تخطى إلى المحتوى
الرئيسية » كسر الريل؟

كسر الريل؟

بسم الله الرحمان الرحيمو الصلاة و السلام على أشرف المرسليننبينا محمد صلى الله عليه وسلم

السلام بنات
مبارك عليكم الشهر

بنتي طاحت و انكسرت ريولها ( الكسر بالساق )عمرها 3 سنين و 3 شهور تقريبا

المهم جبسوها اول شي جبس خفيف بعدين فجوه عقب يومين و حطولها جبس كامل لي نص الفخذ طبعا ريلها ثقيله ومتعسره وبجي ونفسيتي زفت الزفت الحمدلله على كل حال

الدكاتره قالو يبيلها شهر عالاقل عشان تطيب
بس ماني قادره اتخيل ياهل تقعد هالمده كلها ماتمشي و هالجبس بريلها و بجي وعساره

ابي الامهات اللي مروا بهالتجربه يشاركوني و يقولونلي كل شي شلون العنايه فيها هالفتره شنو اعطيها اكل او ادويه عشان يلتئم العظم بسرعه

احاول اعطيها الحلبه و اخشها بالاكل بس مو متقبلته وايد

احطها بالشمس؟

و فعلا السالفه جذي يبيلها شهر والا في منكم فجو الجبس عن عيالكم خلال الشهر مو اكثر؟

والجبس احسه عريض باماكن واباماكن يكون مرصوص عالريل اخاف يكون حازها ومادري لانها صغيره ماتعرف تعبر

قاعده احط كوشايه تحت ريلها واخليها تحرك اصابعها دايما عشان الدوره الدمويه بس وايد واايد خايفه وقاعده اوسوس و بس اشوفها اصيح

نصايحكم بنات طمنو قلبي وريحو بالي والله يعطيكم راحة البال والصحه والعافيه

الوسوم:

8 أفكار بشأن “كسر الريل؟”

  2. kouka
    الرد
    اميييين يااارب جزاج الله خير

    انا مستغربه ولا مليون موضوع كله ان اليهال تكسرو وطاحو ليش ماكو مشاركات شدعوا!

  3. salima
    الرد
    حبيبتي عطيهاً حلبه كل يوم حتى لو مؤ تقبلتهاً تجبر العظم وطلعيهاً بالشمس علشانً فيتامين د ولا تحاتينً وايد انشاللهً ما فيها الا العافيه اليهال عظمهمً بسرعة ينكسر وبسرعة يطيب لا تحاتين ووكليهاً روب كريم كراميلً

  4. salima
    الرد
    اهم شي لا توسوسين مؤ زين احسنيً الظن بالله ودايماً قولي ما فيها الا العافيه انشاللهً وحاولوا تطلعونها تدزونهاً بالعربانهً علشانً نفسيتها تتحسن. وكتبوا على الجبس ورسموا عليه اشكال يعني خليه وناسه التفكير الإيجابي زين لج ولها وأنشأ لله يا كريم ما يخلص الشهر الا أنتو شايلنً الجبس

  5. amira
    الرد
    حبيبتي نوووور جزاك الله خيييير ماقصرتي عالرد والله يوفقج بجميع امووورج يااارب

    بس مادري شكثر كمية الحلبة المناسبه لعمرها باليوم؟ انا استخدم البودره واخلطها مع السوائل

  6. salima
    الرد
    ماتشوف شر يارب وتقوم بالسلامة يارب ..

    مثل ماقلتي كثري لها الحلبة حتى لو متقبلته قد ماتقدرين عطيها بالحليب بالاكل + عطيها جلي .. اكيد تحبه .. الجيلاتين اللي بالجلي يساعد و يبرى العظم..

    والجبس من تحت ريلها لي القدم والا شلوون ؟؟؟ على طول طبعا خليها تحرك اصابعها عشان الدورة الدموية و حطي بالج على اي تغيير باللون بأصابعها

  7. inzou07
    الرد
    ياقلبي ماتشوف شر حاولي تسندينها تمشي لا تخلينها كله قاعده علشان الدم يتحرك بججسمها عطيها بالابره حلبه نفس الدواء عادي حليه بالشكر عطيها قلاص يوميا علي فترات وياخذ شهر الكسر معروف ولج الاجر

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

هذا الموقع يستخدم Akismet للحدّ من التعليقات المزعجة والغير مرغوبة. تعرّف على كيفية معالجة بيانات تعليقك.