كـــــــــــل الحكايه .لمسة خصر

بسم الله

شلونكم ….واخباركم

وكل سنه وانتم طيبين

بعض الازواج الله يهديهم …وهم في بيوت اهاليهم يتقربون من زوجاتهم …سواء بكلمه او لمسه او نظره …يعني بالهمساتي بالمساااتي

انا سلمكم الله بيوم العيد الثاني رحنا لبيت اهل زوجي …جينا وسلمنا وقعدت بالصاله وهو راح لمجلس الرجال ..

صراحه انا موب متعوده اني اجلس في بيت اهل زوجي واقعد كني ضيفه ..بالعاده دايم حاطه ايدي بيد خوات رجلي ….جلست بالصاله وتقهويت وسولفت مع عمتي ام زوجي …وبعدها رحت للمطبخ ..اساعد االبنات بالمطبخ ..

المهم دخل زوجي وشافني بالمطبخ اغسل الصحون وارتبها علشان لزوم العزومه ….

كان فيه ثلاث من خواته ….لحظه دخوله سلم وقعد يمزح مع خواته ويسولف معهن وانا معطيته ظهري وقاعده اغسل بالصحون …..فجعه اقصد فجاءه جاء يمي ووقف جنبي وحط يده على خصري وقال الله يعطيك العافيه …يعني كتعبير بسيط عن الامتنان والشكر لي علشاني قاعده اساعد خواته

انا التفت له وطاحت خصلات شعري على عيوني ..قام هو ودخل اصابعه بين شعري وازاح شعري عن جبين ….احرجني والله شوي ويقبل جبيني …

المهم بعد كذا طلع الله يخليه لي ….واول ما طلع …..وحده من خواته طبعا متزوجه قامت كسرت صحن بالارض …..وانا انخرعت من الصوت وطالعت فيهن الا كل وحده بعيونها الشر …..والصغيره اللي مو متزوجه قالت خلاص روحي اقعدي بالصاله ….قلت باقي ابي اغسل الصحون …قالت خلاص موب لازم …قالتها بصوت عااالي ….

قمت رديت عليها وقلت وش فيكم انتم تونا كنا زي الخوات ……قالت وحده فيهن بلا خوات بلا بطيخ …

انا يوم شفت الوظع كذا ….قلت بنفسي علي وعلى اعدائي …..وقمت زفيتهن كلهن …..قلت ترا موب ذنبي ان زوجي يحبني …….واني حلوه ودلوعه …وانتن جياكر وشينات …وقمت وطلعت من المطبخ ….

الحين الزعل واصل حده بينا

صراحه انا مالي ذنب بكل المسئله اللي حصلت …ما ادري ليش هالهجوم علي …..اخوهن مفتون فيني وانا عاجبته …وهو اللي حب يشكرني بطريقه رومانسيه كتعبير عن امتنانه ..ومساعدتي لأخواته

يعني معقوله يحاسبوني علشان ….اخوهم حط يده على خصري …….وداعب شعري ….بطريقه بريئه ….

الله اللي عطاني جسم حلو وشعر ناعم ..وجمال ورقه وطول ….وهم بعد الله اللي عطاني زوج ما يشبع مني …..ومقدر ومتفهم ورومانسي

بذمتكم وش رايكم في هالاخوات الغيورات …ما يستحون على وجيهم لأخوهن بالتوفيق وان الله لا يغير عليه …

انا ما قلت لزوجي اللي حصل خفت انه يتكدر …والوقت عيد وابيه يستانس بالعيد ..

ابي اخذ رايكم وش اسوي مع هالنسرات …واقول لزوجي والا لا

عطوني حل ..ترا مورا نفسيتي تعبانه حيل حيل حيل