كفته بالباذنجان شغل عدل مدل صدقوني:)

السلام عليكم

اليوم يا بنات عندنا خوووووووووش طبق سهل ولذيذ وينفع تودينه وياج حق الحموله ولا الاهل تتشيحطين فيه على ضمانتي

المقادير

كفتة مقليه (أنا آخذ المواشي شحلوها)
باذنجان مشوي
شوية زيت زيتون مذوبه فيه مكعب ماجي
عصير ليمون
فلفل أخضر مقطع صغار
بقدونس مفروم

مقادير الصلصه

علبة روب
علبة لبنه(يفضل كي دي دي)
شوية عصير ليمون
هرده
مايونيز

للتزيين

خبز مقصص صغار ومقلي أو محمص

الطريقه

-تشوين الباذنجان (طريقتي غززت البيديان بالشوكه وحطيتها بمقلى كبير وغطيتها وحطيتها على الجوله وقصرت عليها حيييييييل وخليتها تنضى على نار هاديه)

-ترفعين البيديان عن النار وتضيفين له زيت الزيتون الي مذوبه فيه الماجي والليمون وتخلطينهم عددددل

-خلي الخلطه تبرد تالي ضيفي الفلفل الأخضر والبقدونس

-تحطين خلطة الباذنجان وتصفين حولها الخبز المحمص مثل الصوره التاليه>>>

تحطين كرات اللحم فوق خلطة الباذنجان مثل الصوره التاليه>>>

تصبين الصلصه فوق كرات اللحم مثل الصوره التاليه>>>

ملاحظه: آنا غلطت وحطيت الاكله بماعون عميق
كان المفروض أحطهم بماعون مسطح راح يطلع الشكل وايد أذرب واحلى

وعوافي أن شاءالله