كفته بالفطر والكريمه

السلام عليكم ورحمة الله وبركاته

امس سويت كفته بالفطر مع الكريما
وطلعت وايد وايد حلوه
من قبل سألت عن طريقتها والبنات ما قصروا معاي
جارة القمر وبنت الكويت ورفرف علموني عليها
وانا شوي غيرت فيها وطلعت وايد وايد حلوه

الطريقه والمقادير :

* اول شي تقلين الكفته واتحطينها ببايركس
* تحمسين بصل مقطع شرائح بالزيت لما يتحمر شوي بعدين اتضيفين عليه فطر مقطع او حبه كامله

انا حطيت قوطيين اصغار واحد مقطع وواحد لا
وطبعا اضافة بهار او فلفل اسود
* بعد ما يستوي شوي انحطون عليه كوب كريما سائله
و نص كوب ماء مذوب فيه ملعقة نشا + قفشة مايونيز + قفشتين جبن كرافت
* ينخلطون عدل واتخلونه يطبخ شوي لما تثخن الصلصه
* اتصبون هالخليط فوق الكفته واترشون على ويها جبن مبشور ويدخل الفرن

ودمتم سالمين ..