كفته باللبن على طريقتي الخاصه

انتوا تسمعون في كبه باللبن بس انا طوتها و صارت كفته باللبن

المقادير:

كيس كفته الي تعجبج

3 قواطي روب

ملح

بصل مقطع

بقدونس مفروم فرم ناعم

نشا حوالي 4 الى 5 قفاش كبيرة

ماراح اعطيكم المقادير الماء عدل لانه انا حسبته على النظر يعني تقريبا نص الجدر

زيت للقلي

ملح

الطريقة:

نقلي اول شي الكفته

ناخذ البصل و نحطه في جدر و عندج زيت الكفته نحطه على البصل و نحمس كله مع بعض حتى يذبل

نحط النشا على الروب و نخلط حتى يذوب و نحطه على البصل و نخليه يخثر و طبعا حطي الماي معاه

من تشوفين الروب يخثر حطي عليه الكفته و سكري عليه النار و خلي الكفته تتشرب الروب الحار على الاقل ربع ساعة

و بعدين حطي عليه الخضرة و قلبي مع بعض و قدميه ساااااخن