بسم الله الرحمان الرحيمو الصلاة و السلام على أشرف المرسليننبينا محمد صلى الله عليه وسلم
سلام عليكم شلونكم
بنات عفيه بقولكم قصتي وياريت اللي مرت بنفس الحالة تطمني*
انا حامل بالشهر الاول حلو رحت قبل اسبوع للدكتورة وقالت الجيس موجود بس و ماراح يبين شي تعالي بعد اسبوعين وقالت علشان نتطمن سوي تحليل هرموني
سويته اول يوم وكانت النسبة زينه وبعد يومين عدته النسبة ما تغيرت نفس الاولى 
فقالت لي حمل ضعيف وقفي العلاج وخلاص راح يطيح*
بس انا ماينزل علي دم ولا شي*
انا قلت بتطمن رديت لها امس وسوت لي سونار داخلي قالت في كيس بس ماكو جنين لان توج بالشهر الاول واحتمال الحمل صار متاخر وكلامها الاخير كان تركي كل علاجج و راح ينزل الحمل وتعالي بعد اسبوع اعيد اتحليل واذا انسية نازلة اسويلج تنظيفات
*وهم في نقطة ثانية انا اخاف يكون حمل خارج الرحم اهي قالت لي لا بس انا احس بتنمل برجلي والله الوسواااس لعب فيني
بنات مادري كلامها خوفني وما في امل كلش*
يعني اترك العلاج وخلاص انطر لين يطيح
انزين مو ممكن النسبة تزيد؟؟ اووو يبين النبض لمن اكمل 6 اسابيع !!! ليش تقولي تنظيفات علطووول؟؟؟
منو كانت نفس حالتي وحملها كمل؟؟؟*
عفيه لا تخلوني * كلامي مخربط ادري بس قلت كل اللي ابقلبي
سلام عليكم شلونكم
بنات عفيه بقولكم قصتي وياريت اللي مرت بنفس الحالة تطمني*
انا حامل بالشهر الاول حلو رحت قبل اسبوع للدكتورة وقالت الجيس موجود بس و ماراح يبين شي تعالي بعد اسبوعين وقالت علشان نتطمن سوي تحليل هرموني
سويته اول يوم وكانت النسبة زينه وبعد يومين عدته النسبة ما تغيرت نفس الاولى
بس انا ماينزل علي دم ولا شي*
انا قلت بتطمن رديت لها امس وسوت لي سونار داخلي قالت في كيس بس ماكو جنين لان توج بالشهر الاول واحتمال الحمل صار متاخر وكلامها الاخير كان تركي كل علاجج و راح ينزل الحمل وتعالي بعد اسبوع اعيد اتحليل واذا انسية نازلة اسويلج تنظيفات
*وهم في نقطة ثانية انا اخاف يكون حمل خارج الرحم اهي قالت لي لا بس انا احس بتنمل برجلي والله الوسواااس لعب فيني
بنات مادري كلامها خوفني وما في امل كلش*
يعني اترك العلاج وخلاص انطر لين يطيح
انزين مو ممكن النسبة تزيد؟؟ اووو يبين النبض لمن اكمل 6 اسابيع !!! ليش تقولي تنظيفات علطووول؟؟؟
منو كانت نفس حالتي وحملها كمل؟؟؟*
عفيه لا تخلوني * كلامي مخربط ادري بس قلت كل اللي ابقلبي
وروحي عند دكتوره 2شوفي شتقول
شعرفها الحمل بيطيح تعلم بالغيب مثلا
ولاتكثرين السونار الداخلي
استخيري ربج وادعي انه الله يثبت حملج وتشوفين ضناج بحضنج
واللي مروا بنفس حالتج ان شالله يفيدونج
بس آنه رايي تروحين حق دكتوره ثانيه احسن قبل ماتستعجلين حرام لانه يمكن اكو امل وماظن حمل خارج الرحم مادام الكيس موجود داخل
اعرف وحده بين النبض عندها متأخر بعد ماقالولها ماكوبيبي روحي مستشفى ثاني
حتى لو بطيح ماكو تنظيفات اصلا
انا اجهضت وكان لي اسابيع بروحه نزل دم وطاح ولا سويت تنظيفات
اصلا ماكو شي شتنظيفاتها لا تلعب فيج
ونطري ماعليج منها
اذا طاحاسم الله عليج ذيك الساعه وقفي العلاج
والله يثبته يارب ويتمم عليج
بس اهي قالت جذي عشان نسبة الهرمون ما تغيرت خلال يومين ظلت ثابتة
انا سوالي ممكن تتغير انسبة ويزيد؟ *في احد صارله جذي
وانا ماحس بشي لادم ولاشي تقوول مو شرط اللي بتجهض يصير دم
وبنات بلنسبة لتنميل رجلي شنو يعني
والله تعباااااانة
بس اهي قالت جذي عشان نسبة الهرمون ما تغيرت خلال يومين ظلت ثابتة
انا سوالي ممكن تتغير انسبة ويزيد؟ *في احد صارله جذي
وانا ماحس بشي لادم ولاشي تقوول مو شرط اللي بتجهض يصير دم
وبنات بلنسبة لتنميل رجلي شنو يعني
والله تعباااااانة
والله ما اعرف بس روحي حق دكتورة ثانية
والله يكتب اللي فيه الخير لج
عيدي مره ثانيه سوي تحليل الحمل ان شاء الله يتضاعف الذا تضاعف خير وبركه واذا لا او نقص الخيره فيما كتبه الله وان شاء الله يكتبلج حمال تام الصحه والعافيه
بس ما كنت اوقف علاج
اخذ مثبت
وما سويت تنظيفات
ويارب الله سبحانه يطمن بالج وينولج الى تبين
وانا برايى روحى لدكتوره ثانيه احسلج
دكاترة هالوقت يقطون الكلام على الواحد بدون أحساس
بس انتى نبهتينى بشغله
شنو تقصدين تنميل بالرجل
لانى انا بعد احس بتنميل بالرجل 00000 شنو تقصدين ؟؟
والحمل خارج الرحم متى يبين او بأى شهر الدكتوره تعرف ؟؟
شغلتى بالى
ههههههههههه
انا حصل معاي حمل خارج الرحم وأعراضه الم في اسفل البطن اما بجهه اليمين او اليسار وينزل علي الوحده دم بني او احمر وعوار موطبيعي وتحس الوحده جنها محسوره تبي تروح الحمام الله يعزكم ولم تروح ماكو شيء مثل هالعوار وانا ما اكتشفوه الا لمن انفجر وقعدت انزف نزيف داخلي ثلاث ايام وانتفخ بطني جني بالرابع من الدم اللي تجمع داخلي مع انه مانزل عندي ولاقطره دم غير الافرازات البنيه والحمدلله على كل حال ربي سلم راسي والا كنت بروح فيها والحين انا بانبوب واحد اللهم لك الحمد والشكر ..