بسم الله الرحمان الرحيمو الصلاة و السلام على أشرف المرسليننبينا محمد صلى الله عليه وسلم
السلام عليكم ورحمه الله وبركـــاته
شلوونكم؟
بنات أنا هسنه أول سنه لى بكليه التربيه وأبيكم أتكلمووون عنها فى ناس يقووولون صعبه
وناس تقوولى أحس كليه بلجامعه وقوولولى كل شى تعرفونه عن هلكليه
إنزين انا برووح الأسبوع الجاى إن شاءالله أسجل موادى .gif "Eh S(2)")
شنو يعنى على كيفى وله لى مواد معينه أختارها؟والجدول منو يسويه أنا وله الكليه؟
إنزين أبيكم تقوولولى عن المواد إللى راح أسجلها وشنو أحسن الدكاتره إللى يدرسون لهلمواد؟وإذا هدكتور زين
شنو مواصفاته يعنى إمتحاناته سهله أو يعطى درجات ومن هسوالف
ومشكوووورين ومــاقصرتو..
السلام عليكم ورحمه الله وبركـــاته
شلوونكم؟
بنات أنا هسنه أول سنه لى بكليه التربيه وأبيكم أتكلمووون عنها فى ناس يقووولون صعبه
إنزين انا برووح الأسبوع الجاى إن شاءالله أسجل موادى شنو يعنى على كيفى وله لى مواد معينه أختارها؟والجدول منو يسويه أنا وله الكليه؟
إنزين أبيكم تقوولولى عن المواد إللى راح أسجلها وشنو أحسن الدكاتره إللى يدرسون لهلمواد؟وإذا هدكتور زين شنو مواصفاته يعنى إمتحاناته سهله أو يعطى درجات ومن هسوالف
ومشكوووورين ومــاقصرتو..
شنو تبين تتخصصين؟؟
مافيه شي سهل ماي و بنفس الوقت مافيه شي صعب و مستحيل
كل شي ممكن إذا أنتي عندج رغبة و حابة هـ الكلية هذا اولا
ثانيا بالنسبة للمواد و الدكاترة شلون تسجلين و للحين ماطلع قبولكم ؟
و إلا انتي قبول فوري ؟؟
ثالثا آنا بالتربية هذي ثالث سنة و يعني تواجهنا بعض الصعوبات كل وحدة وتخصصها
أكيد راح تمر عليج مواد فيها تعقيد شوي و بالمقابل تمر عليج مواد سهلة
بالنسبة لتخصصج مع الأسف أقولج التخصص الوحيد اللي يذمونه ذم بس أرجع
و أقولج إذا أنتي مقتنعة من داخلج وحابة التخصص كل شي يهون ..
إنتى بنضرج شنو أحلى تخصصج؟
تمدح الدكاترة
والتخصص حلوو
حتى بالوظيفة باجر تقدرين تبدعين
واصلا التربية كلية سهلة
عن تجربة
لا تخافين
الكليه زينه والامور سهالات لا تحاتين
اخذي مواد عامه متطلب جامعي
مثل تاريخ حضاره
قراءات عربي
تربيه اسريه
تطور فكر تربوي
انجليزي
وانتي تختارين المواد اللي تبينها والدكاتره حسب توفر المقاعد بكل شعبه
التربيه مو اللي سهله حيييييييييل ولا اللي صعبه مووووت
عاديه وبالنسبه للتخصص اللي تبينه فاعتقد اغلب موادج راح تكون بالشويخ بالعلوم الاجتماعيه
المهم
اولا لازم تعرفين شنو اهي المواد العامه يعني اللي كل التخصصات يبونها وما تروح عليج اذا غيرتي تخصصج مثلا
يعني اخذي
تربيه اسريه >>> د. أمان محمود
تاريخ وحضاره >>> عبدالرحمن عبدالغني
ادارة مدرسيه >>> انا خذيتها عند المحيلبي وكرهني بالجامعه بكبرها اخذي عند سلطان الديحاني او الغانم يمدحونهم
انجليزي 110 >>> صبيحه بوفتين // هارولد والكر // احمد الكوت
وخلي يكون عندج دليل الطالب 2010م
علشان تعرفين شنو المواد المشتركه بين كل التخصصات وتاخذينها
والله يوفقج حبيبتي
وما عليج يا قلبي كل شي بيمشي ويخلص بس انتي شدي حيلج شوي ومو كلش تكشتين بالدراسه
وخليج اول باول مع دكتورج او دكتورتج اذا كان عندج سؤال
وأي بحث او واجب سلميه بوقته ولا تتأخرين لان بالاساس راح مايكون عندج طول الكورس الا هالبحث وهالامتحانات واللهم كم واجب
فراح يكون عندج وقت فراغ كبير خلصي شغلج فيه
والله يوفقج ويارب يقبلونج وتتخرجين من الجامعه يا ابله بنسبه عاليه
واي استفسار لا يرد الا كيبوردج يالغلا
موفقـــــــــــه
اللي يذمونه قصدي التاريخ دكاترته عسرين و كبار ماكو كوادر شبابية نشيطة
و ع فكرة موادج آداب بكيفان .. بالنسبة للشويخ مواد الجغرافيا
آنا ماخذيت للحين و لامادة تاريخ خايفة حيل من الدكاترة كل واحد محتكر له مادة
بس شوفي انتي بالبداية اخذي تاريخ الحضارة عند الزنكي تقريبا أفضل دكتور يعطيها و شوفي
نفسج إذا مشيتي بالتاريخ أوكي تخصصي تاريخ ..
و مثل ما قلتلج أهم شي تكونين حابة هـ التخصص
تاريخ مساند جغرافيا مو تخصص ابتدائي ياعمري , لاتوهقين هذا تخصص متوسط وثانوي..
وترى بعد تخصص غثيث شوي مواده دسمه , بس اذا انتي حابته شي ثاني,,
وحاولي عشان راحتك تضبطين موادك بحيث تكون مواد التربيه بيوم ومواد التخصص بيوم ..
ومن باب النصيحه لو تخصصين علم اجتماع احسن لك , عشان اذا توظفتي ان شالله ترتاحين بتدريس الماده..
وراح تكون المواد تربيه حياتيه + وطنيه + اجتماعيات ..
وشدي حيلك , موفقه ان شالله ..
بعدين اختي ماكو تخصص اجتماعيات ابتدائي فيه مساند
انا اللي اعرفه ان النظام الجديد ما تتخصصين اول سنه لازم تعدين جم وحده عشان تتخصصين
بس ترى كلية التربية جامعه الكويت اسهل من التربيه الاساسية بواجد
وعسى الله يوفقج ودربج خضر
و الجدول يسوونه لج مو انتي تسوينه
اخذي مهارات اتصال و جماليات ادب عند اشرف حافظ او مرسل العجمي
اصول تربيه كنت ماخذه عند ملفي المطيري زين
و الله يوفقج حياج الله