كل الصفات المطلوبه فيها لكن رفضهاااا

الســـــــــــــــــلام عليكم

——————————————————————————–

هاذي قصة صديقة لي و هي أقرب وحدة لي,,,

ما شاء الله تبارك الله جميلة , على قدر عالي من الدين و الخلاق,,,

خطبها واحد و سألوا عنه و الكل مدحه,,, جو أهل الولد شافوا البنت عجبتهم كثير و مدحوها لولدهم…
الولد قال قبل ما أشوفها و قبل كل شي أبي أكلمها بالتلفون مرة وحدة بس و طبعا بعلم أهله و أهلها…
وافقوا أهل البنت… و كلمته بحياء و ارتباك شديد…

هو قال انه يحب المرح و الضحك و الفرفشة و الدلع و التغيير و انه ما يدخن…
طبعا هي خجولة فما قدرت انها تكلمه عن نفسها,, و أهله قايلين له كل شي عنها…عن شكلها و دراستها و لبسها الي كان محتشم…
بعده كلمت أم الولد تقول إنه ان شاء الله بيشوفها بعد رمضان و كان باقي كم يوم و يدخل الشهر
مر شهرين و سمعوا من ناس يعرفونهم ان الولد خطب!!!!!

البنت معلقة شهرين بالأخير ما يبيها!!! ليش؟؟؟

دقت جدت البنت على أم الولد لأنها كانت تعرفهم زين و لما سالت الأم عن السبب قالت: إنه ما يبي وحده متشددة..!!!
صديقتي بنت عادية و مو متشددة .. بس لأن عبايتها على الراس و ما فيها تطريز,,, و لأنها كلمته بحياء و بأسلوب خالي من التغنج و الدلع ,,, سماها متشددة!!!

الي كان قاهر صديقتي مو رفضه لها… لا بل تعليقه لها شهرين بدون حس و لا خبر , و سماع خبر خطبته من الناس…

وش رايكم؟؟؟