كل الي عالجت عند د.عالية الفضلي تدخل وتقول رايها فيها

بنات انا عانيت معاناتكم وقعدت 4 سنوات وانا اعالج عشان احمل مع ان كل الدكاتره يقولون لا انا ولا زوجي فينا شيء
الحمدلله ياربي بس شنو سبب عدم الانجاب الله واعلم ورحت للدكتور محمود الاسطل خوش دكتور وريال كبير بالسن وسويت عنده علاج
بالحبوب ومانفع والابر ومانفع عقب سوالي منظار عشان يشوف اذا في انسدادات طلع مافيني شيء الحمدلله المهم وقتها كنت ادرس قلت لزوجي
تعبت من العلاج بوقف لي ما اتخرج وعقب اعالج قالي اووكي وعقب رحت حق منصور العرف منصور العرف وعالية الفضلي كلهم بالهوا
سوا يعني حتى منصور حاطلة غرفتين ويعالج مريضتين بنفس الوقت والحمدلله ما شفت منه الا كل خير وعالجت بس كان يطلب مني اسوي تحليل لهرمون الحليب وباقي التحاليل طاف ويعطيني مقويات وابر عالجت عنده تقريبا سنه وسبع شهوروما حصل حمل وعقب وقفت 4 شهور تقريبا عن العلاج وعقبه رحت حق الدكتوره عالية الفضلي اول شهر عندها عطتني علاج بالابر وبالشهر الثاني قلتلها ما ابي ابر تعبت منهم عطتني حبوب وبالشهر الثالث قالتلي صار معاج تكيس بسيط جدا ولازم نوقف العلاج شهر واعطيج حبوب منع حمل لانها توخر التكيس واخذتهم لمدة شهر وعقب بديت معاها بعلاج لان نويت اسوي عندها حقن مجهري واخذت ابر وعلاج وسويت عندها حقن مجهري بالهادي مثل ما قالت اختي بس في شغلات انتو تتكلمون وماتدرون عنها يعني تقولين ان الدكتوره خذت الحيوانات المنوية وبويضات منها وعطتهم الدكتور بالمستشفى واهيا ما سوت شيء اصلا هالعملية تكون بالتعاون بين دكتورة امراض نسا وولادة وودكتور اجنه يعني لما تاخذ منج الاجنه الدكتوره اهيا وضيفتها تسحبهم من المريضة واهيا وضيفتها انها تبتدي معاج كورس العلاج بالابر والادوية وتحدد موعد العملية بناءا على السونار ودكتور الاجنه اهوا اللي يحط الحيوانات المنوية مع البويضات بالمختبر وعقب يشووف تناسبهم يعني مو شرط حيوانات المنوية للرجل اوكي وبويضاتها اوكي ان يتوافقون مع بعض كل هالاشياء بيد رب العالمين وسويت العملية عند الدكتورة عالية الفضلي والحمدلله صار حمل من رابع شهر مراجعه عند الدكتورة عالية الفضلي يارب يرزق كل محرومه وكانت العملية 800 دينار فقط ولا تفكرون ان اي دكتور بياخذ كل هالفلوس له بروحه ترى المستشفى تاخذ ودكتور الاجنه ياخذ واهيا تاخذ واللحين اراجع عندها عقب ما حملت واحسها وايد شاطره بالسونار وغيره وتحاليلها صج انها غالية ومن ناحية مادية انا ما انتبهت لهالشغله لان كل اللي تطلبة مني لصحتي تطلب مني تحاليل ممكن اني اسويها بره مو شرط عندها واخذ مثبتات والدليل انها شاطره بنهاية الثالث حددتلي جنس الجنين