كل وحده تدش تقول شلون كانت سوالفكم *****

انا براي تكلمينه بس بثقل علشان ليه ازوجتوا راح يكتشف شخصيتج مو بعد الزواج يكون عنده كلشي ممل و واضح

انا اقولج كلميه بس بخجل و نعومه

لا تقطعين الريال مرة وحده ولا تقطين نفسج عليه

عشان لا يقول دمها ثقيل ولا يقول خفيفه

يعني اعطيج من اللي انا كنت اسويه

كان ريلي من اول ما كلمني بالتلفون دايما اهوا اللي يتصل

وان دز مسج رديت عليه بكلام قليل ما اقلبها سوالف يعني

ومع الايام صرت مرات انا اللي اتصل

مثلا اقوله ضايق خلقي ابي اسولف معاك

او يعني يطق ببالي سؤال ابي اسأله يخص حياتنا

يعني جذي

بس انا صراحه كريكره ووايد استعبط قمت عقب ما ترعفنا على بعض عدل كلا استهبل بالمسجات واهوا معاي على خط الاستهبال هههههه

بس كنا متفاهمين وانا قلتله : مهما تشوف فيني من طبع وتصرفات لا تحكم علي بسرعه اذا كانت تبينلك سوء الظن لان انت خذيت بنت كرامتها اهم ما عندها ووبيئتها نظيفه وتربيتها عالراس ابيك تعطيني الثقه العمسا ولك مني ما اخيب ظنك وانا من الحين معطيتك الثقه نفسها ولا يهمني ماضيك لو شنو كان زين او شين لاني لو بحاسبك عالماضي فالماضي بالنسبه لي يبدا من اول يوم تلاقينا

والحمدلله كنا مرتاحين

فاللي ابي اوصله لج انتي عرفي ريلج وتكلمي باللي يفيد<< قل خيرا او اصمت

وان عرفتيه وعرفتي شخصيته بتتسهل امورج انشالله

عسى الله يجمعكم عالمحبه ويوفقكم يا رب

والله ان قبلتي نصيحتي ياشواخي انج تثقلين ولاتصيرين خفيفه وصدقيني بتكبرين بعبنه واذا كنتي بدويه وانتي عارفه عيالنا واطباعهم وان كنتي حضريه طبعا والنعم فيهم فيختلفون عن اطباع البدو صح والالا ففكري قبل اتسرعين وتندمين

شوفي اذا انتي بدويه ثقلي عليه لاتعطينه وييه وااايد عشان مايقول خفيفه بس عاد موتلوعين جبده بالثقل شدي ورخي عطي ريج حلو بس بحدووود فاهمه واذا اهو بدا الميانه عادي مشي معاه بس باسلوب حلو اما نان توني مالجه بس انا وريلي عبط واستهبال على كيفج لن احنا تقاربين بالعمر عرفتي حبيبتي

ماشالله كلام حلووووووو ومنمق

يسلم تمكـــ

شوي شوي السوالف تطلع ..

سولفي عادي برقه ونعومه ..

الله يوفقج