كل يوم اكله خاصه لكم من طبخات اهل الشام :)

قوووووووووووه قووووووووووووووووه اليوم عندي لكم موضوع ان شا الله يكون لكم مرجع حلوو للي تشتهي اكلات من اهل الشام وان شاء الله تعجبكم

اكلة اليوم اهي المسخن

المقادير بصل مقدار نص شوال مفروم وسط
زيت زيتون
سماق
خبز ايراني
دياي مطبوخ
صنوبر مقلي

الطريقه

تففرمين البصل فرم وسط لا كبير ولا صغير وتحطينه بجدر وطبعا تكون الكميه نص شوال وتحطينها على النار وبعدها بدقايق تحطين زيت زيتون (في ناس يخلطون شوي زيت زيتون وشويه زيت مازولا علشان يكون اخف)تغمرين فيها البصل وتخلينها لين البصل يستوي على نار متوسطه
بعدين تييبين الخبز الايراني وتفرشينه وتشيلين بالقفشه بصل بس تصفين الزيت منه واهو بالجدر وتفرشينه على الخبز وترشين فوقه سماق رشه حلوه مو شويه ولا ووايد وبعدين تحطين الصنوبر وتلفين الخبزه نفس الصمونه وتصفينهم بالبايركس وتحطينهم بالفرن شويه لين يسخن(تقدرين تلفين اخرها بقصديره علشان الشكل)
في ناس يقدمون الدياي بروحه بعد مايحمرونها بالفرن وفي ناس يحطونها بالخبز الايراني بعد ما يقطعونها وتصير مخليه يحطونها مع البصل والسماق
الطريقه الثانيه حق المسخن
بدل الخبز الايراني يسوينها بخبز الرقاق بس يقصونها الدائره اربع قطع ويلفونها.
وعليكم بالعافيه

طبعا تقدم مع سلطة الروب والخيار او الروب بروحه