بسم الله الرحمان الرحيمو الصلاة و السلام على أشرف المرسليننبينا محمد صلى الله عليه وسلم
السلام عليكم
شلونكم ….. وشخباركم
الله يسلمكم انا بنتي عمرها سنتين وابي اقطعها من المصاصة
وياليت تساعدوني بافكاركم العجيبة وخبراتكم .gif "Eh S(1)")
ابي اقطعها لأن بصراحة شكلها كلش مو حلو بالمصاصة
لا تبخلون علي بردودكم
السلام عليكم
شلونكم ….. وشخباركم
الله يسلمكم انا بنتي عمرها سنتين وابي اقطعها من المصاصة
وياليت تساعدوني بافكاركم العجيبة وخبراتكم
ابي اقطعها لأن بصراحة شكلها كلش مو حلو بالمصاصة
لا تبخلون علي بردودكم
الله يوفقك
اكيد بالليل بيأذونج بس تحملى والله يسهلها لاتحاتين الياهل بسرعة ينسى
اذكر بنتي غربلتني بهالسالفة وكنت احطلها كل شي عليها المرة والحنا تلحسهم ولا تمسح المصاصه وتردها بحلجها ليما قلت لها الصرصورة سوت عليهم ديرتي جان تكرهها والله يعينج
جربي يمكن يفيد
وان شالله ناوية أسوي نفس الشي مع ولدي بس توه 5 اشهر
لانها ما راح تخليج تنامين ..
شوفي اول ما تقعد ريقيها و قعدي وياها و شوي شوي فهميها المصاصه من حلوه و….
.. لا ليلحين ما خلصنا من النومه عطيها اي شي
بعدين راح تعاند تعاند روحي وقت نومتها و دبخيها و قولي لها قصه و نسدحي يمها بعدين
اذا بجت علشان تبي المصاصه متعوده .. روحي قمسي المصاصه بحلبه ولا مره و خليها
تمصها راح تقطها و تبجي روحي اخذي انتي المصاصه و قمسيها مره ثانيه اذا مصتها استمري
معاها بس اذا وخرت ما تبيها خلااااااااص
دبدوب اي شي متعلقه فيه كمبل دب و اذا مو متعلقه بشي خلاص انتي بس انسدحي
يمها و اذا بجت حاولي تسكتينها و اتدبخينهاا و من التعب و البجي رااااااح تنام و جذي يومين
ثلاث ايام لمن تتعود …
والله يعينج ..
ماني قاطعتها الحيييين
بس بسوي طريقتكم بعدين
شنو اهي المرة او الحلبه ؟؟
يعني اشلون اسويها ؟؟؟؟
ويك اند
وسوي استنفار بالبيت
لان بيصير بجي ونواح وعصبيه
يبي مصاصتها
وقصها وحرقي راسها
وعطيها اياه قوليلها اختربت خلاص شنسوي
ماكو ثانيه بالجمعيات وماكو انتي كبيره ويع مصاصه
والله يعينج عيل عفره النوم
حاولي تلهينها بقصه او شي
بس لاتتنازلين كلش كلش كلش كلش يعني لاتقولين بتموت من البجي اسم الله عليها مهي ميته علشان مصاصه الله يفرحج فيها عروس
خل تبجي شوي بس لاتتنزلين وقت ماتقررين لاتقولين تدريج
ماكو تدريج
سيدا قطعي وبس بتبجي يومين ثلاث بعدين خلاص عادي