كيف تتعاملين مع الخدامه

انا عن نفسي اعاملهم معاملة زينة حتى اني اذا شفتهم داخلين مع الي يقربولنا اسلم عليها باليد وهي مسكينة تفرح والله حرام نعاملهم معاملة سيئة الدين المعاملة

اتعاملها تعامل المسلمين ذوو النفوس الطيبة الشهمة الكريمة المقدرة

وامرج لله

عامليها باللي يرضى فيه ربج

بالمعامله الطبيه مو كلهم شينين حرام اعامل بما يرضي ربي حتى لو غلطانه اشد شوي بس اني اصرخ عليها او اطقها لا لا لا

والله اعاملها معاملة زينه وماحب اصرخ عليها كلش واضحك معاها واسولف بعد مسكينه حالها حالي انسانه
ويايه تاركه اهلها وعيالها عشان لقمة العيش

حتن الجمعيه اشتريلها الي تبيه من ككاو وكيك وبطاط وجباتي ومتاي واجبان اقولها شنو تبين واخذلها

وخدم اهلي اسلم عليهم واسولف معاهم عادي ولمن اطرشهم جمعيه لازم اقولهم اشترو شي من الجمعيه

عااادي عامليها كأنها انسانه .. لحم ودم عايش معك

بس لا تتطيح الميانه

يعني مثل ماقالوا البنات ..
اول ماتيجي لك من المكتب سوي لها اكل ووريها مكانها الى هاتنام فيه ووريها البيت

و تعرفيها شغلها وتكوني ولا مكشرة ونفسيه ولا طاايحه الميانه .. خليكي جاد شوي

وبعدين خليها ترتاح .. ووتقولى لها ان شاء الله من باكر تبدائء شغلك الساعه مثلا 8 الصبح

خليها لما تصحي الاول تفطر اهى بني ادمه وتبي تتريق نفسنا ههههههه

وبعدين تبدا شغلها.. ولما تسوين الغداء خليها اما تتغدي قبلك وهو الافضل وانا كنت بسوي كدا

او تتغدي بعدك .. عشان وقت غداكي تكون فاضيه لك وتساعدك لو تبي شي..

لو عندك اولاد ماتخليهم دايما معاها.. احنا الامهات بيضيق خلقنا من اولادنا مابالك اهي مو امهم ؟؟

ولما تغلط عرفيها غلطها بهدوء..وشوفي الاغراض الى تبي تشتريها من الجمعيه جيبيها لها او خديها معاكي مرة بالشهر مثلا

وما انصح ان الخدم يطلعووا كتير لانهم لما بيطلعوا ويشوفوا المولات بيتجننوا ههههههههههه خصوصا لو فلبنينه وتشوف الى زيها بيشتغلوا ف المحلات ولبسين وكاشخين

وان شاء الله تكوني استفدتي من كلامي.

سلمي أمرج لله سبحانه
وعامليها باللي يرضي ربج وضميرج
عامليها بالحسنى والطيب
وذكري دايما ان الدنيا تدور وماندري باجر وين نكون ؟

لا قدر الله يمكن أكون انا الخادمه واهي المخدومه