كيف تطلبين النقود من زوجـكـ

مرحبــا فيكم يا متزوجـات هع ..
ترى للمتزوجات يعني العزوبيه ما يجوفونهـ > وانتي شنو ..
المهم المهم حتى العزوبيه تعالو جوفو تستفيدو للمستقبل وتذكروني حزتها بالخيـر ..

معروف أن أصعب شيء على الزوجهـ هو أنها تطلب نقود من زوجها

أمـا انها تستحي

أو

انهـا خايفهـ يصفقها ويحطها أهي والباب واحد > حشى مو زوج ..

(.. المهم لكم بعض الطرق .. )

( الطريقه الأولى )

قومي ووجهكـ ع المطبخ وشدي حيلكـ بطبق رئيسي يحبهـ زوجكـ و طبق سلطة و اذا ما تعبتي بعد شوربة .. ولا تنسين تغسلين كل شيء بعد ما تخلصين علشان المطبخ يصير نظيف و تفتكين .. المهم و بعدين حطي على طاوله صغيرة عندج شرشف حلوو او أي قطعه قماش و حطي مزهريه صغيره و فيها ورده طبيعيه أو صناعيه .. و شغلي موسيقى كلاسيكـ .. و الحين جاء دورج البسي قميص ابيض ساده ضييق و تنوره سوداء ساده و ضيقه و اذا حبيتي شريطه أو توب أحمر حفره فوق القميص .. ولا تنسين جوراب بيج و حذاء كعب و ارفعي شعرج عشان تمثلين دور النادله بالضبط اللي تقدم الطعام بالمطعم .. بعدها
اكتبي على الباب مطعم الدلع او الحب او اسمج او مطعم الرومانسيه أي شيء
و اذا جاء زوجكـ لا تركضين له مثل ما تسوين له كل يوم .. لالا استقبليه ببتسامه و قولي له (( تفضل سيدي )) هو راح يستغرب بس بيمشي معاج و لما يقرب من الكرسي انتي حركي الكرسي عن الطاوله عشان يصير مجال يجلس و بعدين قولي له (( الليله اطباقنا هي جذيه و جذيه و جذيه يعني اللي أنتى طبختيه ))
شنو تحب أطلب لك ..؟

طبعا هو من الزهقه بقول كل شيء و جيبي له السلطة بالبدايه و بعدين الشوربه و بعدين الطبق الرئيسي و طول ماهو ياكل لا تجلسين .. لا ظلي واقفه و بعد ما يخلص شيلي الصحون و جيبي له فاتورة نقديه و قيمتها المبلغ اللي تبينه و هو بيستحي او بظن انج تلعبين معاه و بيعطيج الفلوس بس بعدين لا ترجعينهم له هع > و تعبكـ ماراح بلاش ..

( الطريقه الثانيه)

هي انكـ اما تلبسين تنوره سوداء و قميص ابيض او حتى انكـ تلبسين لبس صيني حلو و اهم شيء قصير .. و شغلي بعد موسيقى كلاسيكـ و جهزي مترس على الأرض و اذا تحبين على السرير و حطي على الباب ورقه مكتوب فيها (( اهلا بك في عالم المساج للدخول أدفع مبلغ ( اللي تبينهـ ) و حطي له ظرف يحط فيه الفلوس و استلميه قبل لا تسوين له مساج .. و تقدرين تلبسين نظاره بعد عشان تصيرين جاده
و جهزي لج زيت و كريم و قصصي أظافرج الطويله و لونيهم .. طبعا لا تنسين فوق المترس او السرير حطي قطعه قماش ما تبينها عشان لا يتوسخ من الزيت .. و لما يجي زوجك استقبليه بهدوء و اسأليه ( تبي مساج تايلندي لو صيني ..؟) و انتى اللي تعرفينه من التدليكـ سويه له بس طولي معاه يعني الظهر عشر دقائق و الرأس خمس دقائق و اليدين و الرجلين 15 دقيقه .. وخلااص هم تعبكـ ماراح بلاش

( الطريقه الثالثه )

هذي الطريقه بسيطة جداً و هي انكـ تكتبين له رساله حلوهـ فيها صور حلوهـ و كلمات رومانسيـهـ و تعبرين عن احتياجكـ للفلوس و ترسلينها على ايميله .. وإن شاء الله تحصلي اللي تبينه وما يكون زوجكـ عنيف

( الطريقه الرابعه )

ترسلين له مسج انكـ محتاجه لفلـووس بس مستحيه تقولين له و ضيفي على المسج شويه من توابل الحب والكلاام المعسول .. و يفضل ترسلين له المسج و هو موجود بالبيت و انتى بعد بس مثلا انت ( بالمطبخ ) و هو ( بالغرفه ) وبجي لج و على وجهه ابتسامه تطيح القرد من الشجره و في يده الفلووس مع كم كلمه معسوله .. وانتي وقتها ماعندج إله تسوين نفسج خجوله وتزيدين لـ بلاشر ع خدودكـ واهو ع بالهـ انكـ مستحيهـ هع ..