:) كيف توفرين راتبك ومدخولك على طريقة بابل القديمة

معقوووولة بس جذي ؟؟ اي بس الامر بهذه البساطة بس شلون نطبقه
مثلا حصة راتبها 1000 دينار وكل شهر توفر 100 بحسابها التوفير وفي اخر السنة يصير عندها 1200 دينار تحطهم وديعه يعني ب5 سنوات من التوفير والوديعة 4% يصير عندها اممم قريب 7000 دينار وعقب 10 سنين من الوظيفة يصير 16000 نعمة والا مو نعمة وتقدر حزتها نورة تستثمر هالمبلغ بشي احسن او تصرفه بمكان مناسب

ومعناته انه حصة كل شهر توفر 10%من راتبها
بس نورة راتبها 900 دينار وكل شهر تصرف مع الفيزا 1000 دينار يعني تصرف 11%زيادة على راتبها وتظل مفلسة وكل مامرت السنين تشوف حصة وباقي رفيجاتها واهما عندهم بيوت شاليهات ومزارع واهي موفاهمة شلوون مع انهم قريب من راتبها

اعطيكم تفصيل هذه الطريقة عقب ان شاءالله

ثانيا:نسبة ال70% والخاصة بمصاريفك الحياتية
هذي النسبة تشمل كل مايتعلق بمصاريفكم الشخصية من لبس وطلعات ووناسة وتشري بس ها مو معناته احرقه حرق من اول الشهر لا نظموا بطريقتين
اولا حطوا حساب سموه حساب الطوارئ هذا الحساب حوليله كل شهر مبلغ بسيط واعتبريه فيزتج مثلا كل شهر حولي 100 او150 دينار على بحسب قدرتج حق هالحساب وخليه للطوارئ وخليه يتراكم والله عندج تصليح سيارة والله عندج مستشفى ولادة او اي ظرف سبحان الله هذا الرصيد في مبلغ محترم ومن فلوسج الخاصة وبدون فواد من البنك
الحساب الثاني سميه توفير قصير الاجل اي هذا الحساب حطي حق خططج البسيطة والسريعة مثل تحبين تخططين حق سفرة او تشترين جنطة او ساعة غالية او انتي وزوجج قررتوا تشترون جاخور حددوا الخطة والمدة اللي تبون لها التنفيذ عشان تعرفون المبلغ اللي توفرونه

مثلا اذا مشتهية تروحين ديزني لاند على الصيف الياي شهر 7 وحسبتيها ولقيتي ان تكلفتها راح تكون 2500 دينار وباقي على السفرة 10 شهور مثلا بلشي قسمي المبلغ على هالمدة يعني كل شهر وفري 250 دينار حق هالسفرة
اشتهيتي ساعة قيمتها 3000 وقلتي مو مشكلة بيمع لها على 15 شهر معناته تخشين لها 150 كل شهر وهكذا راح تستمتعين بكل دينار عندج على شي صح وبسهالة باذن الله
الحين المبلغ اللي بقى من 700 دينار عقب ماوزعتي على مخططاتج استانسي فيه واحلى شي كل اسبوع حطي مبلغ 30 الى 50 دينار كمصرف بحسب راتبج حاولي تلتزمين فيه واذا كان بخاطرج تشترين ملابس واغراض مدارس خصصي هالمبلغ من بداية المعاش وخليه كاش بيدج وانتي تتسوقين عشان ماتطلعين عنه

نسبة ال 10% من الراتب وهذي اهم نسبة لتكوين الثروة المالية المستقبلية باذن الله
هذه النسبة اهي نسبة 10 %من راتبج السنوي +50%من نسبة الزيادة السنوية على راتبج
يعني اذا راتبج 800 دينار وزيادتج السنوية 10 دنانير
معناته التوفير يصير بهالصورة 80+5 =85
اخر السنة =85 12x =
1020 دينار حطيهم بوديعة اسلامية نفرض ان ربحها 4% معناته عقب سنة يصير
1020+40.8 =1070.8
ونهاية كل سنة ضيفي على المبلغ اللي توفرينه مبلغ الوديعة
بعد 5 سنوات بتلقين عندج اكثر من 6000 الى 7000 على حسب نسبة ارباحج السنوية وطبعا لاتنسون الزكاة عن هذه الودائع خلال 10 سنين بتلقون عندكم 17 الف اذا نسبة ارباحكم 4% وكل مازادت النسبة يزيد المبلغ

(فاصل ونواصل)

تدرين اذا بالدوام عطوج بونص او اعمال ممتازة توفرينهم ؟؟؟؟ النظرية البابلية تقولج لا ماتدخل المكافات ضمن نسبة ال 10 % بل تدخل ضمن 70% والاستمتاع بها طيب ليش ؟؟؟؟ عشان ماتملون من عملية التوفير ولا تحسون انكم مقصرين على نفسكم بالعكس استمتعوا بالحياة بس بطريقة عقلانية ومنظمة وصدقوني راح تحسون بقيمة كل شي حلو تشترونه او كل سفرة كنتوا تحلمون تروحون لها ولا تقولون مانقدر صدقوني سهالة

(يتني النومة باجر اكمل لكم شلون تتخلص من ديونكم )