لاصار ذل النفس في قلب يغليك. يلعنك ياقلب عشقتك وشريتك

لاصآر ذل النفس في قلب يغليك ،،، يلعنك ياقلب عشقتك وشريتك

راسك علامك رافعه يوم احاكيك
الظاهر اني فوق حجمك عطيتك
لحظه .. نبي نرجع دقيقه لماضيك
بذكرك في أي حاله لقيتك
كان الضياع ودمعتينٍ تخاويك
منهار وفي عز انهيارك خذيتك
ارخصت عمري لجل احبك واداريك
هدمت قصر الذل فيك وبنيتك
كان الغلا شمعه تنور لياليك
ولو اظلمت دنياك جيت وضويتك
ياللأسف كنت امدحك وافتخر فيك
رفعت من شانك وعليت صيتك
كنت انت .. عندي غير ومقدر اخليك
واموت واحيا ان قلت سم وفديتك
واليوم اشوفك خنت حتى مباديك
صغرت في عيني وانا اللي هويتك
الضيف لو انه عدوٍ معاديك
غصبٍ عليك تقدره وسط بيتك
ياصاحبي بتموت ماني براجيك
واشره علي ان كان حتى طريتك
لاصار ذل النفس في قلب يغليك
يلعنك ياقلب ٍ عشقك وشريتك

اضحك حبيبي دام وقتك مسليك
باكر تموت من القهر لا نسيتك