لايطووووفكم طريقتي المبتكرة في عمل الاندومي المقلية مع الخضار والستيك والمشروم عجيييب

هاااااااااااااااااي كويتيات من زمان ماشاركت معاكم واليوم حبيت انقل لك طريقتي الخاصة في اكلتي المفضلة والي الكل يسالني عنها نبدا بسم الله الرحمن الرحيم:-

المقادير:-

اكياس اندومي المقلية على حسب الرغبة تبين كيس كيسين
ملفوف
جزر
فلفل اخضر
مشروم يفضل يكوون طبيعي
بصل ابيض-قليل ثووم
ستيك لحم اي نوع تفضلينه
البهارات(فلفل اسود-كمون-دارسين-شوية كركم-ماجي تبشرينه-بهارات الاندومي مع فلفل الاندومي)
الصلصات(صلصة الاندومي-صلصة اتشبي-كل انواع الصلصات الي عندج وتحبينهم-مع صلصة الصويا-صلصة الماجي)

الطريقة:-

اول شي تحطين الاندومي في ماي لمن تستوي بعدين خليها على جنب
بعدين قصي كل الاغراض طوال
بعدين يبي جدر اومقلة حطي في زيت القلي وكل البهارات والبصل والثوم والمشروم والستيك
وحطي الصلصات كلهم بطاسة وحدة لمن يي وكت اسخدامهم
بعدين حطي الفلفل الاخضر والملفوف والجزر وحطي فوقهم نص مقدار الصلصة وحمسيهم لمن يستوون
بعدين حطي الاندومي وباجي مقدار الصلصة وحركيها لمن يصير لونها حلو وبسسسسسسس

وعليييييكم الف عافية ولاتبخلوون بالرد حبايبي مع السلامة عوافي على قلوبكم