لا يطوفج العيش بالخلطه لذييييييذ

صباح ومساء الورد على عيونكم يا حبيباتي
هالورد أهديه لكل من يدخل على موضوعي ..ولا تضحكون علي امانه،،،آنا أموت على شي اسمه الورد
احس إنه أجمل شي في هالدنيا،،،، ويييييه قامت تقص قصة حياتها،،خلصينا..
هالاكله حبيباتي سويتها وقلت خلني احطها لحبيباتي يتفيدون منها وعليكم بالعافيه…
العيش بالخلطه.

الخلطه :
نحمس حبه بصل مقطعه شرائح نضيف نص حبه فلفل رومي مقطعه صغار ونحمسهم ونضيف الكشمش وبهارات مشكله وملح ونعصر نص ليمونه (الكشمش نكون منقعينه بماي لمدة لا تقل عن ربع ساعه)

نفوح نصف دجاجه مع عود دارسين + 4 حبات فلفل اسود + 4 مسمار(قرنفل) + 2 هيل وملح وبعد الاستواء نضع الدجاجه بالصينيه وندهنها بالخلطه المكونه من:

(فنجانين شاي من مرق الدجاج + رشه بهار + ملعقه معجون طماط + عصير نص ليمونه وشوي صبغه عيش ونحمرها )

نسلق العيش بمرق الدجاج
وناخذ شوي من العيش بعد مايستوي ونخلطه مع الخلطه اللي حمسناها ويكون مثل الحشو على وجه العيش

نغرفه

وهذا اللي باقي من الصوص نحطه على جنب مع العيش
وعليكم بألف عافيه،،،