لبنات هندسة المنشآت العسكرية وزارة الدفاع

هلا فيج حبوبه

وحياج الله معاي في المنشأت

عندنا اربع ادارات وكل اداره تنقسم الى اقسام ..!

المشـاريع – الشؤون الهندسية – الخدمات – الشؤون العامه – الشؤون الفنية

كل من هالادارات ينقسمون الى اقسام واايد واغلبه اقسام المشاريع و الخدمات و الفنيه في مواقع

الشؤون العامع و الهندسيه في المبى الرئيسي فقط ..!!

وانا حاضره في اي استفسار *_*

بالنسبه لي وآنا اتكلم كموظفه بالهندسه خصوصا انج بتنتقلين سألي عن المسؤولين بالقسم اللي بتروحيله لانه ( المراقبين ) المسؤول والمسؤوله اللي بيترؤسونج اهم من الاداره ياما ادرات صيتهم عالي والكل يحسدج على انج موظفه فيها بس الله يعلم شنو فيها من بلاوي

بالاول والاخير مايعتمد على المراقبين لأ يعتمد عليج انتي شخصيا ..!

اذا كنتي ملتزمه بالدوام .. وعملج زين .. ماتتاخرين في الشغل يحطونج فوق راسهم

بس اذا ماتداومين .. وماكو انتاج شلوون تبينهم يعاملونج ..!

اولا :اختي آنا قلت رايي الشخصي ومو مطلوب منج انج تعلقين عليه

ثانيا : مو شرط اني قلت رايي اني مو مرتاحه ولله الحمد آنا حاليا مرتاحه لاني عند مسؤول يخاف الله ويراعي ظميره بالعمل

ثالثا: صج اذا على دوامنا التزرق على كيف كيفج ووايد ناس تيي آخر الدوام تبصم وتمشي وماتشتغل بس هذا شئ راجعلهم
اهم وضميرهم يعني آخر الشهر ماادري شلون بحللون رواتبهم بس اهم وربهم يتحاسبون

اما مسالة انج ملتزمه ..وشغلج الكل يشهد فيه .. وماتتاخرين ويحطونج على راسهم اقول اصابعج مو سواء اكررها لج وهذي مو اول مره نتناقش بهالموضوع سبق ورديت على كلامج بديوانيه موظفات الدفاع مع انه هالموضوع مو مطروح للنقاش لانه اخذ بعد بعيد عن استفسار صاحبة الموضوع …..من بعد اذنها طبعا وسامحيني يا صاحبة الموضوع اني مضطره للرد

و اصابعج مو سواء ليش لانه بحكم شغلي ولاني موظفه من 10 سنوات لي خبره كافيه اني اكون هالصوره ومروا علي مسؤولين وايد وانتقلوا مع التدوير الله يذكرهم بالخير ومر علي الزين والشين وبحكم شغلي مرتبط بكذه اداره اسمع واشوف الموظفات شنو يقولون والمس معاملة المسؤولين معاهم شلون صايره للموظفاتهم مع انهم كفؤ ومن اكفأ موظفات وعندهم اوسمه الموظفين المميزين …..ماني حابه ادخل بتفاصيل زايده

وهالشئ مو بس موجود عندنا موجود كل مكان علشان جذيه آنا قلت سؤلوا عن المسؤول قبل صيت الاداره واقصد يعني المسؤول اللي راح تكونين عنده بعد ماتسالين عن الاداره

بس الرك على المسؤول هو اللي يرفع واهو اللي يطيح بالقاع

وممكن اسالج سؤال على اي اساس حكمتي ان اللي ماتداوم وماتشتغل شلون تبي يعاملونها ؟؟؟؟؟

لانه احنا مقلوبه الآيه عندنا والله شئ يضحك ناس ماتشتغل وماتداوم وتاخيرا واسمهم على طول بكشف الخصم وتنزلهم اعمال ممتازه عرفتي ليش اقول الرك على المسؤول ….وناس تكرف ومالها شغل باحد لا وعن عشر ومن وراهم اسمع المسؤول يقول شيلوا اسمها من الكشف هالسنه فلانه طيبه وعادي ماراح نبتلش وياها نرحلها للسنه اليايه ونقولها الوزاره شالت اسمج والله يكسرون خاطري الموظفات مايدرون شنو اللي قاعد يصيير من وراهم

صاحبة الموضوع السموحه يمكن كل الكلام اللي قلته ماادري راح يخدمج ولا لأ بس حبيت اوضح وجهة نظري للاخت لانها دايما تعلق على رايي ولو اني ادري انه اختلاف الراي لا يفسد للود قضيه ..بس للتوضيح لا اكثر ولا اقل

حنانك سر حبي …. اختي شنو تخصصج هم الاداره تعتمد على التخصص مايصيير امدح اي اداره بدون ماتناسب تخصصج ؟؟؟
وبقولج شغله مثلا لما تترشحين لوزارة الدفاع ويحولونج الى قطاع الهندسه …تقوم الشؤون الاداريه اللي بقطاع الهندسه بتوزيع المرشحين على مختلف الادارات على حسب حاجتها وتطلب يقابلونهم لانه ماعندنا لجنة مقابلات المراقب او مساعد المدير اهو اللي يقابلج ويرد على الشؤون الاداريه بموافقته او لأ واهم يردون على الوزاره اما بالموافقه او بالرفض بسبب عدم الحاجه اليها او اذا كانوا محتاجين تخصصج بسمرات اذا المسؤول مااقتنع فيج يحاولون يودونج اداره ثانيه محتاجه تخصصج ….. وهني يجي دور الواسطه للي عندها واسطه على طول بدون مقابله تروح اي اداره تبي وهذا الكلام توني ناقلته بالحرف لج من زميلتي وهي موظفه بالشؤون الاداريه …وسلامتج

و سامحوني على الاطاله وموفقين بنات الله يسهل دروبكم