لحقوني بدخل باجر المستشفى وبتحط لي صناعي :( تكفون شتنصحوني؟

لا تخافين اعرف وايد بنات سوهوا واهما الحمدالله الحين لا فيهم شي ولا بعيالهم شي

تقومين بالسلامه انشاءالله وتطمنينا عنج

واهم راح يحطون لج طلق صناعي اما تحاميل او بالدرب
واخذي كمام وابرة تريحج (( ما اقصد ابرة الظهر لاني مو مجربتها )) الى موعد طلعة الراس

وانا نفسج على طووول بكل ولاداتي طلق صناعي
وهالمرة بعد انا اللي بروح لهم بريولي علشان يولدوني لاني ابي اولد قبل قسطرة الوالدة وايد قاعدة احاتيها
اكيد الطلق الصناعي يطول اكثر من الطبيعي بس ماعليه انتي مكملة شهرج والتاخير مو حلو حق البيبي وراح يتعبج اكثر لان البيبي راح يكبر بسرعه ويتعبج لي طلع

احسن لج افتكي

وبالنسبة للفحص حاولي تسترخين عالاخخخخخخخر لي يات تفحص وتاخذين نفس عميييييييييييق علشان ماتتعورين
واخذي الكمام وقت الفحصواكيد بينزلون لج ماي البيبي وان شاء الله تتسهل ولادتج عقب على طوووول لان الماي وايد يسهل الولادة اذا نزل

لا تحاتين ماكو الا العافية

اي ونسيت اقول لج اقري سورة الزلزلة والانشقاق

ماقلتي لنا منو دكتورتج ووين بتولدين؟؟

ميتة من الخوف عسى ربي يسهل