لزانيا رول بالباشميل |||||

السلام عليكم

مساكم فل وياسمين

تعودنا على طريقة اللزانيا التقليدية من فترة شفت طريقة لها بالنت عبارة عن رولات مغطاة بالباشميل وحبيت اطبقها

تابعوا معاي تفاصيلها ^^

المقادير

شرائح لزانيا حسب عدد الاشخاص

مكونات الحشو

لحم مفروم – بصلة صغيرة – فلفل رومي – طماط – معجون طماط – جزر وبازلاء مثلجة
ملح وبهارات منوعة
+ جبن سائل رح نستخدمه بعدين مانضيفه للحشو

وهذي صورة لهم

التغطية

باشميل استخدمت خلطة كنور الجاهزة ضفت لها حليب + 2 جبن مثلثات
وع الوجه شوية بقسماط مطحونة

الطريقة

1- نحضر الحشو نشوح البصل مع الفلفل الرومي ونضيف اللحم مع البهارات والملح والطماط ومعجون الطماط لغاية مايستوي

2- نسلق شرائح اللزانيا في ماء مضاف اليه ملح وملعقة زيت عشان تمنع التلاصق مانخليها لينه كثير عشان لا تتشقق وقت اللف

3- نحضر الباشميل

4- عقبمانخلص من الخطوات اللي فوق وكل شئ يستوي ناخذ شريحة لزانيا ونمسحها بالجبن السائل المذكور بالمقادير بهالشكل

5- نوزع عليه اللحم

6- نلفها بشكل مرتب نقفل الجوانب الاول وبعدين نلفها بتصير جذي

7- نصفهم بالصينية في بركة من الباشميل ^^ يعني نوزعه بكل مكان تحت الرول وفوقه مع شوية بقسماط

8- ندخلها الفرن لغاية ماتستوي ونقدمها وهذا شكلها النهائي

صحة وعافية على قلوبكم