لعبه للعددي حلوه وسهله وبسيطه وسريعه وتشوق وتهبل تنفيذي بس فكرة ميامي come in

هاي ابلاتي

شلووووون الدوام معاكم؟؟؟؟؟؟؟؟؟

اليوم يبت لكم لعبه

تازه توني مسويتها فريييييش

الفكره من miamy يزاها الله خير عطتني الفكره

وانا طبقتها

وحبيت افيدكم .. تشوفونها وتسووونها وتجربونها

وتدعوووووووووووووووووووووووووون لنا

وهذااا اهم شي ..

نبدا باللعبه اول شي اوريكم الخطوات وبعدين اشرح لكم الطريقه

1. بما ان اللعبه عددية .. نحتاج مجموعه اعداد .. اعواد خشبية .. صحون

2.نلزق العدد على العود الخشبي بحيث يصير مثل اللافته يحملها الطفل بأيده

هني قالبتهم انطر الصمغ ينشف

وهني بعد ما نشفو وقلبتهم

3. نوزع عدد متساوي من الاعداد داخل صحن .. او ظرف .. او سله .. او حتى جيس نايلون مال الصمون

الطريقه:

توزعون الصحون او السلال .. على كل طفل

وداخلها مجموعه من الاعداد

لازم كل الاطفال لهم عدد متساوي من الاعداد + لازم الاعداد تكون نفسها عند كل طفل
(يعني مو واحد تعطينه 3 – 4 – 5 والي يمه 7 – 3- 8)

وبعد ذلك تقومين بأظهار مجموعه من العناصر للاطفال .. وعدها مع الاطفال..
وعلى كل طفل رفع العدد المناسب للمجموعه
مو بس العدد الي بتعطينه اليوم .. ممكن تراجعينهم بالاعداد القديمه

هذا ما لدينا اليوم

ان شاء الله القادم اكثر

مع كل الشكر لميامي على الافكار السنعه