لعشاق الباذنجان

حب البيديان عادة موجوده عند اغلب الكويتياااات
وعندنا تقدرون تقولون الشي هذا بالوراااثه
يعني اي طبق فيه بيديات يصير معشووق الجماهيررر

طبقي اليوم رول الباذنجان المحشي بالدجاج

المقادير:
6 حبات باذنجان كبيره تقطع شرائح وتقلى
2 علبه روب
2 بصل + فلفل اسود يقطع البصل شرائح
قليل من المشروم يقطع شرائح
2 فلفل اخضر يقطع شرائح
2 جزر يبشر
2 طماطم تقطع صغار
نص شده بقدونس تفرم
قليل من الصماغ
2م كبيره كاتشاب
4 قطع صدر الدجاج ( تفاح وتتبل بالبهارات وتسحب يصير الدجاج مسحب )

الطريقه:
تحضير الدجاج المسحب :
يحمس البصل شرائح مع فلفل الاخضر شرائح مع المشروم قليل من الكمون والفلفل الاسود وقليل من الملح وتضاف الطماطم والبقدونس وقليل من الصماغ ثم يضاف الدجاج المسحب و ملعقتين كبار كاتشاب + مكعبة ماجى ويقلب على النار

تحشى شرائح الباذنجان بخلطه الدجاج السابقه وتلف على شكل رول وتصف بطبق البايركس

الصلصه :
يخلط الروب مع ملعقتين مايونيز مع قليل من الملح
ونصف كأس ليمون يخلط مع بعض ويصب فوق الباذنجان
ويزين بالصنوبر

وبالعافيه