لعيون غاب الكبيرة وباجي البنات الرز الصيني بالكريمة والربيان

الرز الصيني بالكريمة والربيان

هذي الطريقة ماخوذة من طبختين وتم الدمج بواسطتي اختصارا للوقت

المقادير:

ربيان مثلج بالبقسماط الكمية اللي تناسبج
عيش منقع بماي
شرايح جزر – فلفل اخضر شرايح – بصل جوانج

ثوم مفروم – زنجبيل مفروم
كريمة كي دي دي
ماي وشوية حليب جوز الهند مذوب بنص قلاص ماي
بهارات وماجي

الطريقة
نقلي الربيان ونتركه على جنب
نحمس البصل والثوم والزنجبيل والجزر بشوي زيت ( انا احط ماي قبل الزيت ولما يذبل البصل والجزر وينشف الماي احط الزيت ) وتالي احط البهارات والماجي.
احط الفلفل الاخضر واحمسه وياهم وبعدين احط العيش واقلبه شوية لين ياخذ نكهة الحمسة
واضيف عليه الربيان المقلي .
واذا تحبين الحرورة ما في مانع من علب فلفل << يطلع لذيييييذ
احط الكريمة واصب ماي (حليب جوز الهند ) قد اللي يغطي العيش بـ 1 سم
يعني اذا كان اقل ازيده ماي عادي
اتركه على نار قوية لي شفته بقى شوية ماي احط تحته حديدة واخليييه على نار هادية يتسكر
وبالعافية