لكل أخت غاليه بالمنتدى تأخر حملها . كل عام وانتم بألف خير لقرب شهر الصيام والقيام

هلا والله اختي كل عام وانتي بخير ان شاء الله ومايمر هالشهر الفضيل الا وكلنا حوامل باذن الله يارب تغفر لنه وترحمنا ويرزقنا من لدنه ذرية طيبة يارب يارب يارب ياكريم يارحيم وماننسى ندعي حق بعض هذا اهم شي الدعوة عن ظهر الغيب مستجابة ان شاء الله

ربي لاتذرنا فردا وانت خير الوارثين

حبيبتي مكرونة … أنا نفس الشي كنت هالشهر فرحانه وتأخرت الدورة وأحلم واقول الله بيصير لي كذا وكذا ….. ونزلت قلت الحمد لله على كل حال …. وزوجي حس اني متضايقه وقلت له توقعت الحمل …. واحس انكسر خاطره علي …. بس الحمد لله اللهم لااعتراض …. والله ثم والله اشكر ربي لان الدورة نزلت لانه يمكن رحمة من الله يمكن ربي يبعد عني الشر …… الحمد لله ما اعترض ولا باعترض وانتظر رزق ربي لين ما يكتب لي وما ابغي غير الله سبحانه يرزقني …. مثل ما كتب لي وتم زواجي بأقل من اسبوع بيرزقني ربي الحمل بعيالي إن شاء الله بغمضه عين ….. لاتنسوا اللي خلقنا ولا تنسوا اللي وهبنا اقل الشي الروح ووهبنا النظر والسمع ووهبنا الحركة ووهبنا الجمال ووهبنا كل شي بحياتنا … ربي لك الحمد والشكر …… الحمد لله على الصحة والعافيه …… إن رزقني ربي وكرمني الطفل السليم باحمده وباشكره ليل نهار وان حرمني ما حرمني غير لشي لمصحتني بعد باحمده ليل نهار …. ان اعيش واعبده واحسه قريب مني …. والله ثم والله والحمد لله ربي اقرب لي من حبل الوريد …. ربي ارحم على العبد من الام …… ربي يخجل من عبده ……. اتقوا الله …… ربي لك الحمد والشكر على كل حال