لكل من يأست من الحمل وفقدت الامل .!!!.

السلام عليكم ورحمة الله وبركاته

شلونكم يابنات شخباركم …. اليوم ودي افيدكم بشي …. تعالوا سمعوا

هذا الموضوع انا كاتبته لكل من تأخرت عن الحمل ويأست وفقدت الامل وطبعا انا وحده منكم صارلي سنتين ماحملت والحمدالله على كل حال راضيه بقسمة ربي طبعا كنت وايد مضايقه ونفسيتي تعبانه حيل وفقدت الامل وكرهت كل شي حواليني وكرهت المستشفيات والاطباء والمراجعات بس مع هذا انا متمسكة بالاستغفار وكل يوم استغفر ربي واملي بالله كبيييييييييييييير وانتوا بعد خلوا املكم بالله كبير ولاتيئسون من رحمة الله
والله ان ربنا كبير ورحييييييم وقادر على كل شيء سبحانه يحيي العظام وهي رميم
لازم نتمسك بصلاتنا وبدعائنا له خصوصا صلاة الليل وماننسا الاستغفاااااااااااااااااااااااار خصوصا بهذه الايام الفضيله

بعد هالمقدمه الطويله بقولكم شي صدقوني يابنات والله اني سمعت شريط محاضره للدكتور خالد الجبير
واالله اني يومتها حسيت ان قلبي تحرك من مكانه ياني شعور غريب اول مره يصير فيني جذي بروحي قاعده وابجي وقلبي يرجف والله يا بنات ما اجذب عليكم بدون مبالغه هذا كان احساسي
لان الشريط كله قصص وعبر ونصايح والله ان من يوم سمعت هذا الشريط بعد ماكنت فاقده الامل اني احمل وتعبانه نفسيتي حييييييييييييل صار العكس والله اني الحين زاد ايماني بالله تعالى عرفت معنى التوكل على الله والحين كلي امل بالله سبحانه القادر الكريم الرحيم العظيم الي ماينسى عبيييييده
وانشاءالله ربي بيرزقني الذريه الصالحه وبيرزق كل محروم ومحرومه بالذريه الصالحه.اللهم آمييييييييييييييين
بس في شغلات احنا ناسيينها واييييد وانا ماعرفت هذي الشغلاااات الا من يوم ماسمعت هذي المحاضره الحلوه والمفيييييده وعشان جذي انا ماراح ابخل عليكم و بحط لكم رابطة الشريط عشان كلكم تستفيدون وماتفقدون الامل بالله تعالى وعشان لاتيئسوون من رحمه الله وقدرته

http://www.emanway.com/play_droos.php?cid=23&id=229

بنات سمعوا المحاضره وسمعوا الكلام الجميل وشوفوا قدرة الله سبحانه وتعالى ولاتيأسون من رحمة الله

وفي الختام اسأل الله العظيم لي ولكم ان يرزقنا بالذريه الصالحه وان نكون من المقبولين عنده في هذا الشهر الفضيل.آميييييييييين

ولاتـــــنــــســـــــونــــــي بـــــــــالـــــــدعــــــــــــــــــــاء