لكل وحده تعاني من حساسية الأنف ودايما تاكل حبوب حساسيه باستمرار

السلام عليكم ورحمة الله وبركاته

اشلونكم بنات …

آنا ببدا الموضوع على طول …انا اعاني من مده طويله تقريبا من حساسية الأنف والكلينكس دايما بإيدي غير النفسيه التعبانه وماراح تفهمني الا وحده تعاني من الحساسية

.. المهم انا طفرت من كثر ماادمنت على حبوب الحساسيه والبخاخ لدرجة احس جسمي صيدليه من داخل اللهم لك الحمد على كل حال ..ولما طقت جبدي من الحبوب والبخاخ واللي بس يخففون مايعالجون فكرت اسأل حبيبي جوجل شرايه بالموضوع وانصدمت بأضرار الحبوب و اللي تبين على كبر وبعد مده طويله …حدي انصدمت خاصه انها توصل للفشل الكلوي!!! انا شخصيا كنت ملاحظه ان مناعتي بالنازل وخمول مو طبيعي ووهن والقهر مو علاج بس تخفيف يعني ماتسوى!! وقريت بمواقع متخصصه بالأمراض ان الأعشاب والعسل افضل علاجات للحساسيه مو بس تخفف الأعراض لا الأهم انها تعالج …والعسل يتكرر بكذا وصفه وكذا شخص قال انه نفع معاه العسل…

فشريت عسل الكينا لأنه متخصص بهالأمور وهذي فوايده
عسل الكينا ذو لون عنبري غامق ورائحة مميزة وطعم جيد، وهو يعد من الأعسال الراقية، واختصاصه الجهاز التنفسي كاملاً. يؤخذ في حالة البلغم والحساسية الصدرية ويعد صديقاً وفياً لمرضى الربو، والجهاز البولي ابتداء من الكلى، كما أنه مفيد جدًا في حالة الالتهابات والعفونات في الجسم.

وشرحت للي يبيعه حالتي وقالي انه يقوي المناعه وممتاز لحساسية الانف وقالي بضيف لج عليه غذاء ملكات النحل وحبة البركة …انا شريته من عسل المرشد ومادري اذا فيه محل عسل غيره يبيعه .! بس اهما يوصلون للبيت مجانا وبحط لكم صورة العسل اللي شريته وعلى فكره اللي بالصوره كيلو واهوا بثلاثين دينار…فيه نص كيلو ب 15 دينار…انا خذيت كبير لأني بصراحه ناويه اقوي مناعتي وآكله دايما خاصه انه قالي لازم تاخذينه 3 مرات يوميا اذا تبين نتيجه قبل الأكل بساعه او بعد الأكل بثلاث ساعات مع ماي او مع حليب ..
وهذي صورته من تصويري الخاص

انا حطيته قلت خل نجربه مع بعض وماراح تخسرون شي لأن العسل فوايده موطبيعيه سواء للصحه او البشره او الشعر وكافي انه مذكور بالقرآن

وبحطلكم جم وصفه من ناس مجربينهم بالنت ويقولون ان الوصفات نفعتهم وماراح احط الا اللي اقتنعت فيهم

نبدأ بالأولى :

نصف معلقه من العكبر ( البروبلس ) المطحون + 20 مل زيت حبة البركه — وعند النوم نقطه واحده في كل انف لمده 3 ايام — هذه الوصفه من مجربات مركز صحارى — فعالة جدا — لن تكررها اكثر من 3 مرات وعليك بالعافيه — ولا حساسيه في الانف بعد ذلك باذن الله

الثانيه

وصفة علاج الحساسية :

1- المضمضه بالماء والملح الدافئ 3مرات في اليوم
2-استخدام زيت الزيتون الاصلي 3مرات في اليوم ويكون على النحو التالي
أ- التقطير في الأنف حتى ينزل داخل الفم
ب-دهن الأنف من الداخل في الزيت بواسطة عود الأذن..كأنك تليس جدار في سمنت هذا كلام
الدكتورلتوضيح الطريقه جزاه الله خيراً
ج-المضمضه والغرغره نصف فنجال القهوه من زيت الزيتون ومن ثم بلعه له فوائد كثيره
غير الحساسيه مثل القضاء على انتفاخ المعده

مدة العلاج أسبوع كامل بعدها تشوف الفرق الكبير ومن ثم على فترات بعد يومين…..حتى تنسى ان
عندك حساسيه.

وهـم الاكتحال بالعسل زين للحساسيه وفيه شخص كتب تجربته بالنت .. وانا شخصيا قريت ان احسن عسل تحطون بعينكم اهوا البرسيم ((هم عند عسل المرشد )) وتلقونه بالجمعيات بالركن الخاص فيهم وترى قريت انه يقوي النظر بس لازم تخففونه بماي..

الوصفه الثالثه

شرب زهورات مؤلفة من زعتر بري ومردقوش وبابونج وحبة بركة وشمرة (حبه حلوه) كميات متساوية تخلط وتصنع مثل الزهورات ويشرب كوب على الريق واخر قبل النوم بساعة على ان يستنشق المريض من بخار الزهورات لمدة 30 ثانية ومن ثم الشرب

بنات الأعشاب تقدرون تستمرون عليها 10 أيام وتوقفون أسبوع واللي خايفه توقف أسبوعين احتياط وترد تستخدمهم … لأن الأعشاب جذيه مايصير استمرار بدون انقطاع..

انا ماجربت شي بس العسل شريته وبديت فيه اليوم والوصفات الثانيه بجربهم بإذن الله …بس ماحبيت أبدأ بروحي قلت خل اقولكم يمكن فيه وحده تعاني مثلي وطقت جبدها وتبي تجرب شي بأسرع وقت ..وعسى الله يشفينا جميعا من الحساسيه ..

وأتمنى تدعولي الله يسهل ولادتي ويرزق أختي الزوج الصالح اللي يحبها ويريحها..