للأم المثالية شنو القيم اللي تغرسينها بطفلج ؟

اهم شي الاخلاق .. و الصلاة و معرفة الدين .. و مثل ما ربونا اهلنا نربي عيالنا

اكيد ياثر العمل و هذه ضريبة المراه العامله لانج مهما يكون ما تكونين متفرغه للطفل خاصه لا صار العمل طويل و بعد العمل تكون عندج التزامات و مواجيب اجتماعيه .
و الله يعيننا على التربيه و يصلح العيال

عمره اربع سنين و لما ياله اخو .. شبت فيه الغيرة أكيد ..

بس من قبل لا تولد مرت اخوي .. كنا انمهد له .. اشلون ؟

كنت اقوله مثلا .. انت ما عندك اخوان انا عندي فلان و فلان احبهم واايد ..

فقام يحتر و يقول لي ان امه بتييب له اخو ..

و لي الحين يغار.. بس بنفس الوقت يحب اخوه و حاس ان اذا صار عنده اخو
فهذا شي زين …

و لي الحين جدامه ابالغ بترحيبي بأخواني و بحبي لهم .. كله علشان يحس بقيمة الأخو ..

انا اعتبر العلاقة بين الأخوان و الترابط مهمين جدا ..فعلشان جذي احاول اشجعه من هالناحية

ماشاءالله عليها اللي تبي تعلم عيالها من صغرتهم على الوصل .. الله يكثر من امثالها ..

و صاجة تعليم الطفل الكبير على الاهتمام باخوانه الصغار يعلمه على القيادة و بنفس الوقت يشيل جزء من
مسئولية الأم ..

ذكرتيني على شغلة .. انا احس ان تربية الطفل عليها مهمة .. اللي اهي
كلمة " لا "

في امهات يعصبون اذا الطفل رفض شيء .. و قد يكون هذا الشيء تافه و ما يستحق غضب الأم ..

الأم ما تدري انها بهالطريقة تهدم شخصية طفلها ..

فالطفل لما يعرف يقول كلمة لأ ..

راح يقولها اذا كبر .. لو لا سمح الله اغراه احدهم بالتدخين او حتى بالمخدرات الله يكافينا و اياكم الشر ..

راح يقولها .. اذا شاف الغلط بعينه ..

راح يقولها.. لنفسه الأمارة بالسوء ..

فالأفضل .. اتباع طريقة الاقناع .. و تعويد الطفل على التفكير بعواقب الأمور و مناقشته فيها ..

اما بالنسبة للصراخ … يمكن اهو اسم الله عليه طبيعته عصبي و اذا يبي شي يصارخ .. او انج معودته على الشيل ..
جربي تكلمينه بهدوء و تناغينه خليه يتعلم الهدوء من البيئة المحيطة فيه .. في يهال طبيعتهم جذي
الله يخلي لج ياه ان شاءالله

اذكر ولد اخوي لما كان بهالعمر .. ما كان ينجذب حق الالعاب اللي نشتريها له كثر ما تجذبه اغراض البيت و خصوصا اغراض المطبخ نييبله ماعون بلاستيك و ادوات مو خطرة و نخليه يطقطق فيهم و يستاانس

الالعاب تنمي ذكاء الطفل .. اشتري العاب مناسبة لعمره .. و علميه على الكلام معاج .. علميه مفردات الكلمات … أسماء الاشياء .. و خليه يتعلم يمسك القلم من الحين .. و يشوف القصص و الالوان ..

ترى اذا الياهل تعلم مفردات الكلمات ابسرعة يسهل عليه الحفظ .. و التعبير عن نفسه ..

بعض الاطفال يلجأون الى الضرب و ا لغضب و الصراخ تعبيرا عن غضبهم .. تعلمهم الكلام راح يخفف من هالمشكلة بشكل كبير ..

يا ليت كل البنات اللي يشاركون يكتبون تجاربهم و شنو الشي اللي ودهم يعلمون عيالهم عليه

ومن الأشياء الحلوة اللي تعودنا عليها وودي انها تبقى في بيتي
وصل الأهل – السلام (من صغرنا أمي تحرجنا سلمتي والا لأ) -اللمه حرة الويبه(قمنا ما نعرف ناكل بروحنا)-أول ما يدخل الوالد -الله يرحمه-نتسابق منو يسلم عليه قبل-ما ناكل قبل لا يقعدون الكبار وما نقوم الا لما يقومون من الطاولة
هذي الأشياء اللي أذكرها واذا تذكرت برد أكتب
مشكوووره فلانا على الموضوع المميز