بسم الله الرحمان الرحيمو الصلاة و السلام على أشرف المرسليننبينا محمد صلى الله عليه وسلم
السلام عليكم
طلبتكم بنات
انا وااايد ضعييفة بلمختصر (عصلة
)وزني 45 وعرسي بعد 3 شهور
ابي ايصير وزني 55 ساعدوني شنو اسوي عشان امتن
يعني ابي بنات مجربين شي ومتنوو بسرعاا حبوب او اي شي اللي مجربة
بليز بنات لا تبخلون علي
بليييز لا تخلوني
:eh_s(16):
السلام عليكم
طلبتكم بنات
انا وااايد ضعييفة بلمختصر (عصلة
ابي ايصير وزني 55 ساعدوني شنو اسوي عشان امتن
يعني ابي بنات مجربين شي ومتنوو بسرعاا حبوب او اي شي اللي مجربة
بليز بنات لا تبخلون علي
بليييز لا تخلوني
:eh_s(16):
الله يحقق الي في بالنا يا رب
جربي حبوب سيبروفيتا فادت بنات بالمنتدى ويمدحونها بس سبحان الله انا ما ناسبتني
وان شاء البنات يفيدونج
إن شاء الله احد يفيدنا
ان الدم نازل عندج فلازم تسوين تحليل للهيموجلوبين واذا طلع نازل بتكتب لج الدكتوره حديد وفيتامينات
اما الاكل الي يمتن عن تجربه لان وزني كان 40 والحين 58
المعجنات والدونت والرز والشيز برجر
وان شاء تمتنين بصحه وعافيه يارب
نصيحه لوجه الله انتبهي تاخذين الاعشاب وماتدرين ايش مصدرها
والا حبوب بدون استشاااره هذي روح مولعبه
يمدحون الماش >>العدس الاخضر
خذيه من العطار مطحون كل يوم ملعقه منه على كوب حليب كثير مدحوه لي وشفتهم بعد ماجربوه بس انا ماجربته
واكلي سمسم ولازم تسير وجباتك 6 باليوم
وهذا مشروب انا مجربته بصراحه روووعه طعمه حلو ادمنته بصراحه وبنفس الوقت صحي ويسمن بسرعه خلال اسبوعين لاحظت الفرق
المكونات 7 تمرات+كوب حليب مراعي اي شي +كوب عصير مانجو المراعي افضل نوع
+ملعقة عسل+موزه اوموزتين
الطريقه000
1-انقعي التمرات بشوي موتكثرين مويه حاره تقريبا فنجان قهوه عشان يلين
2_حطي التمر بعد مايلين في الخلاط وباقي المكونات واشربيه بالعافيه وعساك تسمنين للوزن اللي تبينه يارب
حلفتكم بالله ابي منك ومن كل وحده تستفيد هالمشروب طلب
ابي دعوه صادقه بان ربي يرزقني بالذريه عاجل غير اجل ويرزق زوجي من حيث لايحتسب ويفرج همه يارب
واكلي كل يوم فطاااااااير ومعجبنات …كل يووووووم تعشي فطااااير ….انا جذي متنت كان وزني 46 صار 53 … من جذي كنت يوميا اكل فطاير لمده شهر …وانتفخت وطلعتلي خدووووود الكل عباله قازة ابر ههههههه
وان شاء الله يارب تمتنين والله يتمم عليج حبيبتي
اول شي تروحين تسوين تحليل دم وتشوفين نسبه الحديد بدمج وعليها تاخذين فيتامينات والاشياء اللي ناقصتج
روحي الصيدليه اخذي بودره سوستاجين أو انشور
الصبح تريقي صمونه كامله والغدا حطيلج بصحن واكلي بسرعه ولازم لازم تخلصينه مع قلاص لبن او روب كامل الدسم اللي تفضلينه ويفضل تاكلين وراهم موزه
العصر او المغربيات تسويلج قلاص بودره الحليب السوستاجين او الانشور
وبالليل تتعشين باستا او وجبه كامله ولازم قبل لاتنامين تاكلين سنكرز
ونصيحه عالاقل ساعه باليوم روحي الممشى وامشي لان المشي يفتح الشهيه ويخليج تقبلين عالاكل .. واذا حطيتي الاكل مو ساعه تمضغين ويالله تبلغين لا أكلي بسرعه عشان ماتشبعين وانتي ماخلصتي اكلج
ومرت فتره امتنت حيل بعدها
والسر
داايم تاكل وجبات سريعه m ماكدونالدز وتكون عشاء
صج صج يمتن بسرعه
وانشالله توصلين للي تبين
بالتوفيق .
بس انا الي سمنني السيريلاااك
حليب سايل(كرنيشن)+عصير منجا
توست بالنوتيلا
وغير الحلبة وشوفي موضوعي بتلاقينه تحت في التوقيع
بس انا بطيئه بالاكل وهذا شي صحي الاكل بسرعه يدخل هوا ومو صحي
وووو شربي حليب كاكاو كثر ما تقدرين وووو انا كنت اراجع عند العوضي سنتر دكتوره ميري عطتني نظام امشي عليه وعطتني حبوب الخميره
بس تقريبا نظامها مثل الي قالته شندوخه
الريوق
تشربين حليب كاكاو او حليب موز وعقب نص ساعه تاكلين توست وجبن ومربى او فطاير جبن او بيض اومليت مع عصير
والغدا
تاكلين عيش مقدار كوب ( يعني ملاس) ودياي او سمج او لحم ( يعني غداكم العادي ) وقلاص لبن
وعقبه تحلين بايس كريم او كريم كارامل او قطعه كيكيه
العصر او المغرب
تاكلين سناكس اي شي تبينه بطاط او كيك او معجنات بيتزا الصغار وزعتر وهالخرابيط وتشربين حليب كاكاو ( انا كنت اشرب كي دي دي بس بعدين اكتشفت انشور لان فيه فيتامينات وما يضر ان شاءلله لان انا الحين حامل والدكتوره قالتلي اشربه لاني نزلت وايد من النساه باول الاشهر)
العشا
باستا او بيرجر مع بطاط او بيتزا المهم ان عشا كامل مع سلطه وعصير ( عصير المنجا او الكوكتيل يسمنون ) وووو تحلين عقب العشا وووتشربين حليب كاكاو قبل لا تنامين
وان شاءلله بظرف شهر بيتغير جسمج بس هلله هلله بالرياضه او المشي او سواي مساج علشان لا يطلعولج سترج مارك و بنفس الوقت يفتح الشهيه
وان شاءلله تمتنين بصحه وعافيه والله يتمم عليج الزواج