للحقوقيات فقط شرايكم بإدراة التحقيقات ؟

ممممممم محد يقدر يفيدني

انا خريجه حقوق مثلج وقاعده اسال عن المكان سمعت ان راح يعينون الدفعه اليايه بالمخافر ومدة المعهد القضائي سنه ووبالنسبه لشغل اعتقد التحقيقات من اهم الاماكن اللي يطمح لها خريج الحقوق بعد الفتوي والتشريع ومسالت تعين المخافر مقدور عليها واسطه ويعينونج بالاداره

بس ماتدرين متي يبطلون لتسجييييل ؟؟؟؟

قبل مدة كنت بادارة التحقيقات استفسر قالوا ان اول تعيين يكون بالمخافر وانهم يتعمدون يقطونج بالمخفر اللي بعيد عن منطقتج وصعب انج تنتقلين للادارة واذكر قالي مسئول هناك انهم يوقعون اولياء اموركم على الموافقه ان بنتك بعد التخرج من الدورة توافق تتعين بمخفر على قولتهم يبي يشددون علي الكل لان لو كل البنات يبون الاداره محد يبقى للمخافر اللي خصصوا فيها اماكن للبنات … حتى اذكر في مره عوده هناك قالت لي انا 20 سنه يالله وصلت الاداره وهذولا يبونها بارده مبرده حتى قالتها بعصبيه .

اما من ناحية الوظيفه وكادرها قوي جدا والكل يتمنى يكون فيها … ونصيحة بنات ترى اللي ماتحب الكراف والشغل الجدي والقلب القوي تبعد عن التحقيقات لانها مجال يبي له قلب انا مااخرعكم بس اوضح لكم طبيعة الوظيفه .