للعروسات القدامى . هل كنتي راضية عن عرسج ؟؟

في عرسي الاول كنت صغيرة وبريئة
والنفنوف كان حيـــــــاه من عواطف الحاي وكان كله شك وحركات (دفش)
طبعا ما كان ذوقي لأني كنت ما عرف شي
وبيني وبينكم كنت مغصوبة على الزواج
اما المسكة كانت ضبببببببببببببم وتلوع الجبد
كان سنة2000 على ايام حركات المسكات !!
وكنت عصلة بس حلوة
ومكياجي مكياج اي عروس في سنة 2018 دفش دفش وغطا ملامحي اصلا غيرها تقريبا
اما تجهيزي كان وااااااااااجد والكمية اوفر لا من قمصان ولا من ذهب ولا من عطور ولا من دراريع

وأخيرا تطلقت بعد سنه بالضبط وكان اسعد يوم بحياتي والله (صراحة)

وسنة 2018 والحمد لله جاني فارس احلامي
انسان رقيق وحساس ومحترم

وفي عرسي الثاني تفاديت اغلاطي كلها

نفنوفي كان سمبل ومطلع نعومة جسمي وطبعا كان ناعم وحلو

وجسمي كان رويان وحلو (حيــــــــــــاه)
والمكياج
كان عند دينا بساس .. كانت تذكرني لأن وجهي مميز وانصدمت صراحة اني عروس للمرة الثانية (وناسة)
وحطتلي مكياج ناعم ويجنن

ودخلتي كانت عادية بس حلوة (والله ماشديت حيلي حيل) لأني كنت خايفة الصراحة

وبخصوص التجهيز ولا أحد تدخل بشي من اللبس او العطور او حتى قمصان النوم

اما زوجي الحين وابو عيالي وحبيبي (ما شاء الله )(لا اله الا الله)
كل يوم من خذيته أحس ان كل يوم معاه سعيد وحلو (الحمدلله) اللي الله سبحانه برد جبدي وقلبي

ما أطول عليكم….
بس نصيحتي (عن تجربة)
لا تشترين قمصان نوم طويلة واجد..
وعطي الرجال على كيفه ولا تخالفين أمره طيعيني.. حتى اذا كان عصبي اصبري حتى اذايبط جبدج اصبري بس لازم (يحترمج) وهاذي اهم كلمة بين الزوجين الاحترام من اجل حياة سعيدة
يالله ما أطول عليكم

ماتشوفون شر انشالله