لمعلمات الموسيقى مع التحية

اشكركم خواتى على المرور

كويتيتة عسل

تسلمين على تفاعلج معاى وانا عندى خبر بهالطريقة بس انا ابى اعرف طريقة الأبلة لما تبى تنقل مو انطر سنتين شلون ؟

كبرياء

ياعمري ادرى شلون ينقلون المدرسات بس مدرسات الموسيقي بالذات غير نقلهم مو عن طريق المنطقة وسمعت انا اخبار عن طريقة النقل ظيقة خلقي وبتأكد منها

نايس بيبي انا نفسج مدرسه موسيقى وموقادره اتحمل الماده كلش وحاولت احول اداري قالولي مايصير كلش لاننا للاسف تخصص نادر وفي نقص شديد في تخصصنا وهذا انا احاول من اول السنه وماكو فايده
الله يعينه تعبنا من هالعيشه ناس مرتاحه واحنا معذبين في هالماده

انا مو كثرج والله حاولت ان احول ادارية بس ماكو فايدة

واخيرا رضيت بالامر الواقع معني احب تخصصي واحب الموسيقى بس للاسف التوجيه فاشل وسيايستهم التطفيش ومايشجعون كلش على الابداع

مس شيلو انتي شنو مرحلتج
انا حاولت احول ابتدائي قالولي انت دامج بكالريوس لازم روضه وانتي شاطره في الروضه

موراضين يحولوني حق اي مرحله عليهم تسلط موطبيعي توجيهنا

هاي
انا ابلة موسيقى وهم نفس حالتج صرت اكرهه شغلي
كنت احب الموسيقى كهوايه ولمن اشتغلت كرهت شي اسمه موسيقى
وصارلي فتره قاعده افكر اني احول اداريه او اطلع واششتغل باي مكان بس متحسفه عالعطله

اذا عرفتي شلون احول واي تفاصيل او اي معلومه جانزين تقوليلي وتفديني

انا نفسكم ابله موسيقى وحابه مادتي بس زهقت من طلبات الناظره وماكو شي يعجبها مع ان ناخذ مراكز ونشارك بره على مستوى المنطقه وعلى مستوى الكويت بحفلات خارجيه والطابور فايز بالمركز الاول وتوجيهي يشيل ويمدح فيني بس هم ماكو فايده اهي توها جايه جديده وتبي تطفشني علشان تبي ابلتها اللي بمدرستها القديمه وانا ابي ربعي ومابي انتقل المدرسه قريبه عند بيتنا بس مو قادره اتحمل لدرجه اني دخلت عليها المكتب وصارت سالفه والحين نفسيتي زفت لان الدوام قرب