لنسايم دبي وباقي العضوات طالبتكم ابي جدول سياحي لدبي

السلام عليكم

حبيبتي نسايم دبي وباقي العضوات الغاليات بغيت تساعدوني انا رايحة دبي إن شاءالله بشهر فبراير وبحطلكم الأماكن اللي ناوية اروحلها بس ابي ترتبونها لي يعني الاماكن اللي بمنطقة وحده واللي يم بعض يكونون بيوم واحد ما ابي اضيع وقت في التنقل من مكان لمكان ابي استغل هالسفره وكل دقيقة فيها وإدري ما راح تقصرون معاي

اول شي انا سفرتي لمدة 6 ايام تقريبا والفندق اللي بسكن فيه قريب من مول الامارات (فندق لايا أوك)

وأبي أروح الاماكن التالية :

ـ الباص العجيب

ـ أتلانتس

ـ the walk

ـ فيستفال سيتي

ـ دبي مول (خاصة الاكواريوم + النافورة الراقصة )

ـ إمارات مول (خاصة الحديقة الثلجية)

ـ حديقة الخور (عرض الدلافين + بركب التلفريك)

ـ المقهى الثلجي شيل أوت (بمجمع تايم سكوير)

ـ سوق مرشد +سوق نايف

ـ مجمع أبو الهيل

ـ القرية العالمية

ـ القرية التراثية بالشندغة

ـ قرية البوم (مركب البوم)

ـ أوت لت

أدري يتقولون كل هذا بتروحيله بس شسوي ودي استمتع بهالسفرة ومادري يمديني أروح كل هالأماكن وإلا لأ خلال 6 أيام ؟؟ اتمنى تفيدوني وإذا في أماكن من اللي انا ذاكرتهم تحسون مالهم داعي وما يسوون قولولي

بانتظاركم حبايب قلبي وأدري ما راح تقصرون