ليش التكركر جدام الرجال الغريب

السلام عليكم زوار واعضاء المنتدى

>
>
>
>
>
>
>

مرة كنت طاقة شلالي ورحت دكتور اسنان >> وانا صم بكم عند الدكتور من الخوف

والدكتور يضحك ويتغشمر مع الممرضة الكويتيه المتزوجة وكان واضح انهم يعرفون بعض من زمان وضح لما يسال عن اخبارها واسرتها وعيالها ومستواهم الدراسي —

المهم — خو فاتحين حلجي وشغال الدكتور باسناني القواطع اززززززززز ويقول للمرضة اخبار مدارس عيالك ايه ؟!

فقالت موراضي فلان ع اني ادخلهم مدرسة خاصة يقول مصاريف وماادري شنو ؟!!

وهو شغال ع حلجي اززززز جان يقول بكل بساطه : وهو ماله ؟! انتهت مهمته من لما جابهم والباقي عليك

انا فتحت حلجي اكثر — اوووووووووف ياقوها اللي قطاها بحضنها — لا وهي تضحك لهالنغزة !!

طبعا الله الشاهد هي شوي تايهه وماعندها اخلاقيات تحت — بس الميانة مع الدكتور خلاها تحس انه وحده من صديقاتها !!

انا اقدس الحياة الزوجية لابعد حد – واقدس الزوجة الوفية لزوجها لابعد حد !!
فالمفروض ان الزوجة تحافظ ع غيبة زوجها بضحكتها ونظرتها وتعليقاتها ولبسها ومن قبل تراقب الله بذلك >> هذاا مربط الفرس

الشي الثاني ومن هالمنطلق ودي اقول كثرة المساس تميت الاحساس — فمو لانج موضفة بمكان في رجال تختلط عليج الامور وتنسين انج امرأة وانه رجل !! فمو معقوله تسولفين مع رفيجاتج بصوت عالي وتقولين احلى نوع تلبسينه من حمالات الصدر !! والله وجهي برد لما سمعتهم يتكركرون بهالسالفة والمراجعين رايحين رادين !!

ترا الحياء من الدين واجمل مايكون من الانثى —

ودمتم سالمين