ليش ما يغار الزوج مثل الزوجة؟

أتمنى أعرف السر الي تعرف ترد عليا بسرعة ليش الزوج ما يغار مثل الزوجة يعني لو كنا بمول أو على البحر وعدة حرمة حلوة أو مو شرط حلوة بس لابسة لبس اغراء تتمايل وتتمخطر تثير غيرتي وأتمنى تنشق الأرض وتبلعني أعصب وأصارخ وأخرب الجلسة طيب مثل ما في حريم حلوين والله في رجال حلوين ليش ما يغار الزوج لو عدى رجال حلو وكاشخ أو في التلفزيون أو في دعاية رجال مثلا يتفاخر بعضلاتة أو أو أو يعني أشياء كثيرة وااااي هي ثقة بالنفس يعني مرة مصدق نفسه ما في أحلى منه ولا ايش يعني أحكيكم موقف صار لي كنت في المطبخ أطبخ وحايسة وحوسة المهم قام زوجي يناديني فلانه فلانه تعالي بسرعة بسرعة قلت ايش ايش فيه طلع يبغاني أشوف مشهد في التلفزيون والله رجال من رجال هيليود وعاد غنيين عن التعريف جمال وجسم ولون والمشكلة انه مو لابس الا بكسر صغير والباقي كله مكشوف خلاص الشياطين كلها نطت في وجهي عصبت موت ليش ما يغار ليش عادي عنده أشوف وأنا مو عادي عندي يشوف وحطيت نفسي مكانه لو جات مثلا حرمه في التلفزيزن وبالجمال هذا ولابسة لبس البحر كان ايش صار كان صارت مضاربة ومخاصمة ومشكلة كبيرة طيب ليش ما يغار الزوج مثل الزوجة؟