ليمتي العبث والتلاعب بالدرجات

انا مدرسه وولدي معاي بالمدرسه .. ومدرستنا في غيري يمكن 15 مدرسه عيالهم معاهم .. وانا طاح عندي بالصف بعض من عيال المدرسات .. ومع ان علاقتي زيييينه بكل المدرسات لكن الله يعلم ان المدرسات يحطون لعيالنا الدرجه الي يستحقونها ومحد يجاملنا .. ليش تعتقدون ان لان المدرسه بالمدرسه عيالها راح ياخذون درجة كامله ؟؟

والله عندنا عيال مدرسات كسااااااااااله وطايح حظهم بالدرجات .. حتى لو وحده ثنتين جاملو مو الكل يجامل .. هذا شي .. المعلمات يخافون الله بالدرجات وهذا من الي شفته وخلال خبرتي بالتدريس يمكن وحده ثنتين الي ما تعدل بالدرجات .. وما اقصد بانها ما تعدل تخسف بالطلبة .. بالعكس ما تعدل في انها تعطي بعض الطلبة درجات ما يستحقونها وهني تكون ظلمت الشطار وصار مافي فرق عن الطالب الكسلان الا بدرجتين ثلاث ..

والله الي انا اشوفه واعرفه عدل بمجتمع المدارس ( خصوصا المدرسات الكويتيات ) ان الدرجات تنعطى بالهبببببببببببل والله انا صبياني عطيتهم على الشفوي بالهبل بس عشان ينجحون يكسرون خاطري ما ابي احد يسقط عندي او دور ثاني .. واغلب الكويتيات جذي ..

لاكن للاسف اولياء الامور قاعدين ببيتهم ما يدرون بالي يصير بالمدرسه .. وكله بنظركم ان احنا حاطين على الطلبة وخاسفين فيهم وما نعطيهم حقهم .. لكن والله الي صاير العكس .. والله العظيم لو اعطي طلبتي الدرجة الي يستحقونها فعلا وبذمة وضمييييييييييييير جان نص الصف ساقطين ..

صدقوني المدرسات اغلبهم امهات ويراعون الصبيان او البنات بالعكس اشكالهم تكسر خاطرنا اصلا وحنى لو نزف ونصارخ ونهدد ونخرع .. لما يصير وقت الصجه ننسى كل هالي صار ونعطيهم درجات كثر ما نقدر ..

احسنو الظن بالمدرسات .. بنتج لما حفظتيها الايات .. تدرين انتي شنو صار بالمدرسه ؟؟ يمكن ما سمعت عدل لسبب او لاخر .. مستحيل وابصم لج بالعشره ان بنتج تكون مسمعه الايات عدل والابله منقصتها مستحيييييييل .. ما نقصتها الا لان في شي ..

ليش ما رحتي للابله كلمتيها وسمعتي جانبها من القصه عشان هم انتي ترتاحين وتعرفين نقطة الضعف الي عند بنتج ..

اسفه على الاطاله وشكرا ..

اهي لانها معلمة اسلاميه .. مراعيتها ما تبي تساويها وتحطلها درجة على مهارة ما طبقتها .. والطالبة الثانية الي جودة .. اهم الثنتين ياخذون نفس الدرجة ؟؟ .. اهني الظلم ..

وتسلمين

اهي لانها معلمة اسلاميه .. مراعيتها ما تبي تساويها وتحطلها درجة على مهارة ما طبقتها .. والطالبة الثانية الي جودة .. اهم الثنتين ياخذون نفس الدرجة ؟؟ .. اهني الظلم ..

وتسلمين