ماتغلى يا خلي ولو بالحيل غالي

ياناس خلي راح عني وانا اشوف ياناس ذاك اللي احبه تخلى

ياناس قولوا له ترى القلب ملهوف يبكي على من وصاله تغلى

ياناس قولوا ماقوت عينه الشوف عن شوف غيره بعد شوفه تعلى

من بعد حبه صرت انا اليوم معيوف ومن بعد قربه راح عني تولى

من بعد ورده صار يهديني سيوف تطعن خفوقي وبجروحي تسلى

دايم على بالي ودايم له طيوف تسهر معي وباحلام ليلي تجلى

وش حيلتي اللي علته داخل الجوف نار الفراق بوسط صدره تصلى

وش حيلتي ياناس والحال منصوف منصوف نصفين على اللي تغلى

نصف يقول اصبر ترى يحن ويروف ونصف يقول اللي تغلى يخلى