مادري اقروا هالموقف وحكموا ؟؟؟

حاسه فيج والله بس كل البيوت جذيه فيها قرقعه بس اخذي وخلي لا تدققين خليج ولا كأنج سمعتي شي خلي قلبج بارد صدقيني بحس فيج ويتحسف على كلامه اذا شافج تضحكين .

اهيا لله يهداها ما يصير تقوله انا مو خدامه للبيت المفروض تقول انا مو خدامه للبيت انا ابي اخدمك انته و بس علشان تكسر عينه
حبيبتي المره مو عيب تصير خدامه ببيت زوجها
الله يوفقهم اثنيناتهم جدا حساسين

اهي الغلطانه ومالومه لو زعل ولا في مرة تقول لريلها جذي اوكي تقول افا عليك اصيرلك خادمة ومولازم تسوي اللي يقول عليه تخلي خدامتها تسويه وخلاص لازم تقوله جذي ؟؟؟

اللة يهديها بس

الريال انصدم لأن زوجته ماتبي تخدمة وتهتم فيه فعشان جذيه راح يدور على وحدة تهتم فيه برا ؟؟؟؟؟؟؟ واسم الله عليهم يدورون علينا الشارة؟؟؟؟؟؟؟؟
وايد بنات أعرفهم الخدامه اهي اللي تغسل الهدوم وكويهم والزوجة إهي اللي تيب=يبهم للزوج !!!!!!!!
الخدامة تطبخ وتنفخ والزوجة أهي اللي تييب الغدا ؟؟؟؟؟؟؟
الريال ياهل صغير ويبي اللي يدلعه ويهتم فيه !!!!!!!!!!

السلام عليكم اشكر كل اللي ردوا بس حبيت اوضح شغله

كان في حوار قبل هذا وكانت مبينه له ان البيت مسؤولية المره من حيث الاشراف عليه وهم انها اللي راح تطبخ وتدير بالها عالعيال وعليه واهو اذا بغى شي خل يطلبه منها مو من الخادمه وقايله له اصلا انه طول الوقت اللي يكون اهو قاعد بالبيت ما راح يشوف الخادمه كل شي اهو يبيه مرته اتيييبه له بنفسها واهي عارفه انه هذا واجبها وقايله له اصلا انت ما تكلم الخدامه خير شر اي شي تبيه قوله لي انا

بس اهي تتكلم عن التنظيف وغسال الحمامات والمواعين والكوي؟؟ يعني لازم اهي بعد تقوم فيهم ؟؟؟ وين بيصير لها وقت تهتم فيه بنفسها ؟؟ ولا دراستها ولا دوامها ولا عيالها ولا اي شي ثاني فوقهم

يعني راحة الزوج ما تصير الا بعذاب الزوجه نفسيا ويحملها فوق طاقتها ؟؟؟

وبعدين اكثر شي مزعلها انه يقول لها هالكلمه بكل بساطه ويسألها ليش انا شقلت ؟ يعني جنه هالصفه فيها ولايقه عليها وما يشوف انه فيها شي غريب يعني

امممممممم اعتقد الزوجه غلطانه ومالها حق تزعل

مافيها شي لا اهتمت ببيتها وتنظيفه يعني لانظفت واهتمت معناتها يطيح شي منها ولا ينزل مستواها

جان نزل مستوى امهاتنا ويداتنا قبل ماكو شي اسمه خدامه ولا تدور ببيوتهم واهي الام والخادمه بنفس الوقت

وبعدين على فكره كلام الزوجه ينرفز شنو يعني مو شغلي شنو يعني اهو متزوجها بس حق الوناسه والظحك والطلعات والمشترى ليش قبل لاتتزوج ماتدري اكو شي اسمه مسؤليه اكو شي اسمه تنظيف طباخ … إلخ

ترى الزواج مو بس وناسه وظحك وخدامه

ولو اهي حريصه على زوجها وبيتها جان قالت انا اللي اخدمك بعيوني قبل ايدي بس هذا تعنفق ودلاعه !!!