السلام عليكم ورحمة الله وبركاته…
بإختصار شديد جداً بعد هروب الخادمة سوينا بلاغ تغيب… واليوم جالي إتصال من السفارة الأثيوبية يقولون إن الخادمة عندهم ولازم أروح… قلت لهم ما رح أجي لأني مسوية بلاغ تغيب إنتوا ودوها الشرطة وأنا أروح الشرطة لما يكلموني في قانون… ولما عرف المسؤول اللي يكلمني إن في بلاغ تغيب قال أوكي في بلاغ تغيب قلتله إي قالي خلاص مع السلامة .gif "Eh S(10)")
السؤال شالوضع بهذه الحالة بوجود بلاغ تغيب من يوم الخميس واليوم الإثنين يوصلني إتصال من السفارة إنها عندهم وأنا هذا اللي رديته عليه… هل أنا صح وشنو الإجراء بعد هذا؟؟؟ أنتظر ولا شسوي؟؟؟؟ ناس تقول إستني إتصال الشرطة… وناس تقولي روحي مكان ما بلغتي عن هروبها قوليلهم إن السفارة إتصلت… وناس تقولي لازم تروحي السفارة لأن مكان ما بلغتي هذا اللي بيقولونه لج إني أروح السفارة وأتفاهم على إستمراريتها أو تسفيرها وإلا بعد فترة ياخذون مني السفارة الأولي والتالي على مصاريف تكبدوها خلال الفترة عندهم إضافة إلى تذكرة السفرة اللي سعرها دبل بره!!!؟؟؟؟ شالحل واللي عندها خبرة ياريت تفيدني شاللي لازم نسويه الحين؟؟؟
السلام عليكم ورحمة الله وبركاته…
بإختصار شديد جداً بعد هروب الخادمة سوينا بلاغ تغيب… واليوم جالي إتصال من السفارة الأثيوبية يقولون إن الخادمة عندهم ولازم أروح… قلت لهم ما رح أجي لأني مسوية بلاغ تغيب إنتوا ودوها الشرطة وأنا أروح الشرطة لما يكلموني في قانون… ولما عرف المسؤول اللي يكلمني إن في بلاغ تغيب قال أوكي في بلاغ تغيب قلتله إي قالي خلاص مع السلامة
السؤال شالوضع بهذه الحالة بوجود بلاغ تغيب من يوم الخميس واليوم الإثنين يوصلني إتصال من السفارة إنها عندهم وأنا هذا اللي رديته عليه… هل أنا صح وشنو الإجراء بعد هذا؟؟؟ أنتظر ولا شسوي؟؟؟؟ ناس تقول إستني إتصال الشرطة… وناس تقولي روحي مكان ما بلغتي عن هروبها قوليلهم إن السفارة إتصلت… وناس تقولي لازم تروحي السفارة لأن مكان ما بلغتي هذا اللي بيقولونه لج إني أروح السفارة وأتفاهم على إستمراريتها أو تسفيرها وإلا بعد فترة ياخذون مني السفارة الأولي والتالي على مصاريف تكبدوها خلال الفترة عندهم إضافة إلى تذكرة السفرة اللي سعرها دبل بره!!!؟؟؟؟ شالحل واللي عندها خبرة ياريت تفيدني شاللي لازم نسويه الحين؟؟؟
اولا اذا ما مر عليها 3 شهور تكون ع كفالة المكتب تبلغين المكتب هم يتصرفون مع السفارة
اما بعد ال3 شهور حقج ضااايع
الحل تروحين ادارة العمالة بمنطقة بيان عند الجمعية القديمة
وتبلغينهم باللي حصل وهم يعطونج الراي الصحيح
اذا تبي تشتغل بيدورون لها بيت و يدقون عليش تتنازلين عنها صار لي مع سيلانيه راحت للسفاره بعد فتره لقيت المكتب يدق علي يقول لقيت لها بيت ثاني
و اذا ماتبي تشتغل بيسلمونها للشرطه و الشرطه بتطلب منكم التذكره تسفرونها
وروحي للمكتب اغسلوا شراعهم و طالبوا بفلوسكم لعل و عسي يعرضون ان يودونها بيت ثاني
وغلطانه انج سويتي بلاغ بدون ماتروحين السفاره تسالين عنها
ولمن دقوا عليج المفروض تروحين تشوفين شنو يبون يمكن الخدامه تبي تسافر ويمكن تبي تتحول بيت ثاني
الخدامه اذا سفروها على حسابهم راح يودونها على الكويتيه درجه اولى وتعالي انتي دفعي تذكرتها وشوفي جم يقولولج وايد غالي في ناس يدفعون 400 دينار وريل اختي دافع حق تذكره خدامته 600 دينار مادري وين مودينها حسبي الله عليهم
واذا مادفعتي يحطون عليج منع كفالات يعني ماتقدرين تكفلين خدامه وبعد فتره يحطون عليج منع سفر
ولو انتي تسفرينها على حسابج تقصين لها ارخص تذكره وتذلفينها ويمكن تبي تشتغل بيت ثاني وتاخذين فلوسج
يعني انا اقولج روحي السفاره وقوليلهم انهم داقين عليج شنو يبون وتقدرين تلغين البلاغ من الاداره العامه للهجره بالفروانيه
انا شخصيا ما اسوي بلاغ الا لمن اقول حق الكفيل روح المكتب اسال عنها وروح السفاره واذا مو موجوده بعد اسبوع او اسبوعين بلغ احسن حق الكفيل
في ناس يقولون مانبي بلغي الحين واسويلهم ويوني يوم ثاني يقولون لقوها بالمكتب او السفاره ويبون يلغون البلاغ طبعا موعندي الغاء البلاغ
ويتاذون شوي
واي شي تبينه دزيلي بالخاص
انشالله اكون افدتج
ملاك ^ الحب
لذلك يغلق الموضوع