ماكل جرح لاخــــــــــذ ايام يبـــــــــرى @بعض الجروح يزيد شره مع الوقـــــــت

السلااام عليكم
يارب تعجبكم

@لاتنشغل فيني انا بحــــــــالي ادرى..
@قلب تعلق فيك ينسى مع الوقــــت..

@اكثر من اللي صار لي وش يجــــرى..
@بين الرجا والياس شفني تعلقـــــت..‏

@لاراحت الفرصه تحريت الاخـــــــــرى..
@وتروح ماكـــــــني عليها تشوقــــــت..

@هاك القصايد لاتضايقـــت واقــــــــــــرا..
@شف وش كثر فيها لضحكاتك اشتقت..

@لاصار حظي اقشر والايــــام قشـــــــرا..
@مافيه احد عاقل يلوم ليا ضقـــــــــــت..

@ماكل جرح لاخــــــــــذ ايام يبـــــــــرى..
@بعض الجروح يزيد شره مع الوقـــــــت..

@السيل يبقى له مع القاع مجـــــــرى..
@يبقى له التذكار لو كنت فارقــــــــــت..

@يامدعي فرقا المواليف حــــــــــــــذرا..
@تبعد وانا في سكة الحــــــب مافقت..

@ليتك خذيت بليل الافكار مســـــــرى..
@وغربت من كثر الطواري وشرقـــــــت..

@اشوف لك من وين مارحت ذكـــــرى..
@لاشفتها صديت عنها ودنقــــــــــــت..