ماهو الكيس الجلدي؟؟وهل هو يأثر على الحمل؟؟؟بجد محتاجه آرائكم

:السلام عليكم ورحمة الله وبركاته …
في البدايه احب ___امسي ___او___اصبح____
على اخواتي بالمنتدى واتمنى ان الكل يكون بصحه وعافيه …..ومبروووووك الشهر مقدما والله يبلغنا رمضان …وان شاء الله ولا وحده فينا تجيها الدوره في رمضان ونطلع كلنا حوااااااااااااامل

وبكذا بنكون ضربنا عصفورين بحجر بنصير ماافطرنا في رمضان وبنصوم الشهر كله ….والفرحه الاكبر ان احنا بنطلع حوااااااامل….
الللللله ونااااااااااسه…..
معليش طولت عليكم بس عشان الكل يتفائل ……وارجع لموضوعي
بصراحه انا متزوجه صار لي سنه و8شهور ماحملت يعني قربت اطق سنتين…..قههههررررر
المهم في موضوع قريت عنه في احد المنتديات وهو عن الكيس الجلدي او الكيس الجنيني ….وهذا الكيس يحصلونه عند البنات والمتزوجات يعني مب بس المتزوجات …..وانا قبل لا اتزوج سويت عمليه وشالولي الكيس هذا وكان موجود على المبيض الايمن واذكران الدكتور قالي ان ماياثر في المستقبل وان المبيض سليم بنسبة 75%……((((حطو بالكم قال 75%)))))وبصراحه كنت ناسيه الموضوع من اساسه لين تذكرت عقب ماقريت الموضوع مع العلم اني بعد الزواج عالجت عند دكتورتين وقلت لهم عن العمليه وكلهم قالوا ماتاثر…حتى يوم سوولي سونار كنت اسألهم عنها ويقولون مومبين شي كل شي اوكي بس عندي ضعف تبويض وكان حجم البويضه اول مره راجعت فيها عند اول دكتورهكان حجمها 4مل تقريبا يعني وايد ضعيفه وسافرت وماكملت علاج عند هالدكتوره ورجعت وبديت اراجع مع دكتوره ثانيه اول شهر عطتني حبوب تنزل الدوره وبعدين من ثاني يوم بالدوره سوتلي تحليل وعطتني كلوميد وجيتها تاسع يوم بالدوره وعطتني ابر بس مافادت والشهر الثاني نفس الطريقه بالضبط وهم الشهر الثالث نفس الطريقه وكنت اقولها لاتعطيني كلوميد ثاني يوم من الدوره عطيني ابر علشان تكون اقوى وسوت لي سونار وقالت عندك تكيسات يعني حظرتها زادت الطين بله اول كنت بس ضعف تبويض والحين بعد تكيسات عاد انا طلعت ولا عاد رجعت لها وقلت خلاص ماراح اروح اي مستشفى ولا اي عياده تووووبه…ورحت لوحده بالجبيل يمدحونها اسمها ام فريح مادري احد سمع عنها هي تعطي علاج شعبي وتمرخ …وجيتها يوم جاتني الدوره ومرختني وقالت عندك ميلان …..وعطتني علاج اعشاب وهذك الشهر استمريت عليه وكنت اشرب عصير اناناس وااايد وماصار حمل ولاشي …..

معليش كتبت لكم قصة حياتي……هههههه
والحين عندي اسئله وابي كل اللي يدشووون ارجووكم تردون علي….
1_هل تعتقدون ان الكيس له دور بتاخر الحمل؟؟؟
2_هل شرب الاناناس اثر علي بشكل سلبي؟؟
3_هل تعتقدون ان استخدام المنشطات ورا بعض كل شهر هي السبب في التكيس؟؟؟
4_شنو رايكم في المرخ تعتقدون انه زين ولا لأ؟؟؟
والله يجزا كل وحده ترد علي الجنه ويرزقها بالذريه الصالحه ياااارب….
وتقبلوا خالص تحياتي….