ماهو الموقف النبيل الذي قام به زوجك معك وترك أثر بليغ في نفسك؟؟

وقف معاي لمن ظلموني الناس وتبلوني وقف قدامهم ووكلهم تبن واحد واحد
شرالي سياره كاااااش ع حسابه وحطها بأسمي
حزة ولادتي دموعه ما وقفت الا لمن قالوله ولدت بالسلامه ..

حبيبي فديته عسالله يخليه لي ولايحرمني منه ياااااارب ..

وقف وياي لما ظلموني اقرب الناس له الله يعز شانه مثل ماعزني والله ما انسى هالشي لي لو توصل هوشتنا لي السما الله يخليه لي بوحسون العزيز الغالي

حبيبي وعمري وحياااااااااتي مواقفه معااااااااي كثيره شقول شخلي وكل انه عيني ادمعت وانا اتذكر اللي سواه عشاني منها

1- بغاني ولزم ياخذني رغم اني مطلقه وعندي عيال وعاز عيالي وشايلهم شيل على انهم مو عيااااااااله

2- رازني وعازني وحاطني على راسه و مو ممخلي على قاصر كافي انه كله محسسني ان اول ريال بحياتي

3- شرالي سياره وحاطها باسمي

4- عازني جدااااااااام اهله ورازني

5- والاهم من هذا كللللللللللله ما انسى لما ابوي كان مسافر وطااااااااااح مريض هناااااااااك حجز على اول طياااااااره وراحله لان
هم خواني كاوا مسافرين كانوا مشاركين وقتها ببطوله بره الكويت وما حصلوا حجز عشان يروحون حق ابوي ولما شافي مهاره على ابوي
حجز من المطار درجه اولي بس عشان يروحله وقالي بالمطار ما ابي اشوف دموعج مره ثانيه هذا ابو الغاليه وراح وقعد اسبوع ورد مع ابوي

فدييييييييييييييته حبيبي وفدييييييييييييت وقفااااااااااااته

والله هالسنه احس وايد بهدلت ريلي والحمدالله يعني بالحمال ما قصر كل شهر من بدايت الخامس راح ياخذلي مجلس طبي وعاد تدرون شلون الفرراه على المجلس
وطحت بالمستشفي قعدت ثلاث ايام ولاده مبكره بالسابع فقير خليته اقط الي وراه وجدامه علي قعدت المستشفي واخر شي عطوني ابره بالسعر الفلاني علشان توخر الطلق ولا خذيته برويال حياة
والشي الي كبر في عيني موقف صار مع اهله امبييييييييييييييييه تهزأت من امه الله يسامحها ومسحت فيني الارض بس ما ادري شلون سكت وبلعت ريجي وخذا حقي واهو يدري اني مظلمومه ورجعت تسامحت منهم معني مو غلطانه وبعد كل هذا ما يو باركولي بولدي الاخير والله حازه بخاطري الله كريم

اهم شى واللى صارت تحوووووووووووووول فى حياتنا وعمت علينا بالفايدة من جميع النواحى , لما وافق اسافر برا لتكملة دراستى ووقف بويه الكل وماهمه كلام الناس ولا قال عيالج وشنو بسوى فيهم تحمل سنه وانابرا بروحى , كل اللى اذكر يقولى ما راح اخليج تشتغلين هالوظيفه , بس الحق ينقال ترى انا بعد اعين واعاوووون مااحب انكر نفسى بصراحه

صلوا على محمد وال محمد , الله الحافظ ان شا ءالله

اللهم وفق كل زوجه مع زوجها

واجعل بينهما حبا كبيرا
وابعد عنهم الحسد
واجعلهم متحابين متوادين دوما
واجعل كل زوج يرى زوجته باروع نظره
وزد اجرهم واغفر لهم وارحمهم

ام ضاري خززش وضوع بس انتي ما قلتي لنا شنو مواقفه معاج

انا الحمدلله ماقصر معاي لما رضى نسكن بالمكان اللي ابيه مهمه راحتي وماهمه كلام اهله والناس
وهم لما شفت الخوف علي بعيونه بيوم ولادتي هذا الشي اللي ما خلاني اتحسف انه دخل معاي بالولاده