مجبوس دياي بالسلق واللوبا لذيييذ

سويته 3 مرات وعجب الكل

على فكره يصلح للنفاس لان فيه حلبه وحبه سودا

الطبخه شويه طريقتها طويله بس ترا النتايج مبهره ولذيذه جربوها تدعولي

قبل كل شي اخذي ملعقه حلبه ونفعيها بماي دافي وغيري مايها بين فتره والثانيه
ونقعي نص ملعقه حبه سودا وخليهم

اللحين مقاديرها

ديايه كامله فوحيها بنص كوب ماي دقايق وحطيها بمشخل عشان تروح الزفره منها

بصل مفروم +4 حبات طمام مفروم+ خمس فصوص كبار ثوم مدقوق+5 شدات سلق مفروم+

بهارات مشكله مالت المجبوس وملح وطبعا عيش منقع ومغسول +نص علبه معجون طماط+ لوبيا بيضا تقريبا كوب منقعه ومفيوحه

][®][^][®][الطريقه][®][^][®][
تحمسين البصل بزيت لما يحمر تحطين السلق وتقلبينه على النار عدل الى ان يذبل وبعدها تحطين الديايه وتقلبينها معاهم وبعدها تحطين البهارات والملح واخر شي تحطين الطماط ومعجون الطماط والثوم وجمسيهم مع بعض وصبي فوقهم ماي مغلي وخليهم يغلون تقريبا ساعه الاربع

اللحين شيلي الدياي وحطيها بالفرن حمريها

وحطي اللوبا بماي الدياي ودقي الحلبه والحبه السودا وحطيها معاهم وخليهم يغلون شوي

وبعدها كبي الرز خليهم ينجبس بمرقه الدياي

بعدين صغري النار واذا عندج الحديده المدوره حطيها تحت العيش عشان يتسكر العيش وحطي شويه سمن فوقه
__________________