مجمع خاص بالاوت لت في دبي للي حابين يرحون دبي

اهو مافي ماركات الاين الاول

لأ ماركات طقت جس بيبي فت وفي محل يبيع gff وجست كافالي

ومحلات عاديه مثل مانجو كول كات انوتا الدو ناين ويست……. ووايد محلات لبس اطفال

وبشكل عاااااااام يعني يسوى الواحد يروحله اطلعون منه جم شغله

والمحلات الرياضيه رخييييييصه طقت اديداس وبوما وااايد استانست عليهم

وعجبني محل شفته بابن بطوطه كله سوالف كفرات وكوشيات غرييييييبه وغالي

لقيته بالوت لت الكفر يطلع سعره بدون الحشوه تقريبا 30 وركبي الكوشيات الي تشوق بيوصل 50 اقصى حد

بس موطبيعي احلا من زارا هوم

ومكانه مو بالعين لأ

بطريق العين >>>>يعني جنج رايحه للعين بس قبلها بوايد

وياخذ طريج بونص ساعه

وفي كفيهات حلوه ومطعم حاتم بالوت لت موجود بعد

وعلى فكره في محل جامع اكثر من ماركه من بينهم
اويشو اخذت تي شيرت بجامه طلع سعره علي ب1وربع تقريبا بس

وبديات كول كات وااايد حلوين ويصلحون صوايغ
وشورتات تينفعون للبيت على دينارين و3 بس

يعني تحصلين منه وانا مااخذت راحتي فيه وااايد وفريت
يعني لوفاره عدل ممكن احصل

لاني خليته اخر يوم وزوجي مللللل حده من السوق