قوة بنات 
بنات بتكلم عن نفسي وعن بعض البنات
أنا الاحظ وحتى اهلي ان بنات هالوقت فيهم عصبية وعدم قدرة عالتحمل مو مثلهم ايام قبل
معظمنا الحين ( أعصاب فايرة ،، توتر ،، ضغط نفسي ،، مضخمين بعض الأمور البسيطة ،، متنرفزين ،، وفينا قلق وخوف على حياتنا الزوجية ،، ونحاتي وايد وكل شي)
السؤال اللي دايما افكر فيه بيني وبين نفسي
اذا طاقتنا واعصابنا قاعدين نستنفذها ابهالطريقة وأحنا ابأول زواجنا ،، اشخلينا من طاقتنا وصحتنا
لما عيالنا يكبرون ويدخلون مرحلة المراهقة ،، وعقب فترة كل واحد من عيالنا إبإيده سيارته وموبايله ،،
لما أزواجنا يكبرون ويدبرون على قولتهم ( المراهقة المتأخرة )
ولما نكبر أكثر ولا ندري عن ظروف الدنيا والأوضاع
انا احس ان وايد قاعدين نستنفذ من أعصابنا وطاقتنا مبجر وايد مبجر
وعلى ما نكبر اكثر الا اجسامنا انهرت من التعب
على قولة امي بنات هالوقت من الحين توتر وقولون ومعدة
يعني من الحين انا اذا توترت ،، قولون ومعدة وصداع
الله يكافينا الشر من بعدين ،، والأمراض كل مالها تزيد ودوم أسبابها نفسية ،، وضغوط من الحياة
ما ادري
توافقوني الراي بأن اللي نسويه بنفسنا غلط ؟؟؟؟
وشلون نغير ردود أفعالنا بطريقة تخدم نفسيتنا وصحتنا ،، بحيث نكبر مع عيالنا واحنا بصحة وعافية !!
بنات بتكلم عن نفسي وعن بعض البنات
أنا الاحظ وحتى اهلي ان بنات هالوقت فيهم عصبية وعدم قدرة عالتحمل مو مثلهم ايام قبل
معظمنا الحين ( أعصاب فايرة ،، توتر ،، ضغط نفسي ،، مضخمين بعض الأمور البسيطة ،، متنرفزين ،، وفينا قلق وخوف على حياتنا الزوجية ،، ونحاتي وايد وكل شي)
السؤال اللي دايما افكر فيه بيني وبين نفسي
اذا طاقتنا واعصابنا قاعدين نستنفذها ابهالطريقة وأحنا ابأول زواجنا ،، اشخلينا من طاقتنا وصحتنا
لما عيالنا يكبرون ويدخلون مرحلة المراهقة ،، وعقب فترة كل واحد من عيالنا إبإيده سيارته وموبايله ،،
لما أزواجنا يكبرون ويدبرون على قولتهم ( المراهقة المتأخرة )
ولما نكبر أكثر ولا ندري عن ظروف الدنيا والأوضاع
انا احس ان وايد قاعدين نستنفذ من أعصابنا وطاقتنا مبجر وايد مبجر
وعلى ما نكبر اكثر الا اجسامنا انهرت من التعب
على قولة امي بنات هالوقت من الحين توتر وقولون ومعدة
يعني من الحين انا اذا توترت ،، قولون ومعدة وصداع
الله يكافينا الشر من بعدين ،، والأمراض كل مالها تزيد ودوم أسبابها نفسية ،، وضغوط من الحياة
ما ادري
توافقوني الراي بأن اللي نسويه بنفسنا غلط ؟؟؟؟
وشلون نغير ردود أفعالنا بطريقة تخدم نفسيتنا وصحتنا ،، بحيث نكبر مع عيالنا واحنا بصحة وعافية !!
موضوعج حلوو الصراحه .. ولازم الوحده فينا تصبـر وتبرد اعصابها شوي لاحقين على حرقآآن الاعصاآب
يسلموؤوؤوؤؤو
واايد قيدني يعني مرات اصاااااااااااااارخ وانتف شعري من كثر ما انا اكون ابي ارتاح
ابي آاخذ نقاهه
اسم الله عليه هذا ياهل واحد عندي ومسوي فيني جذي الباجي شنو بسوي فيهم الله يعلم لا ومرات من كثر مايبجي انا ابجي معاه من كثر التعب اللي فيني
الله يعينا على باجي الزمن
صايرين جباريت هههههه
العصبيه والنرفزة ما راح تخدمج بشي
ومافيني طاقه اتحمل اكثر
وصرت وايد عصبيه
يمكن لاني قبل كنت كله اسكت اسكت
بس الحين خلاص اللي بقلبي على الساني
بس والله لما نشوف هالأمراض اللي تيي من الضغط وشد الأعصاب الواحد يخاف
الحين الأمور تعقدت
لا من الزوج ولا اليهال وعنادهم ولا الخدم
كل شي لو بنقارنه عن جم سنة قبل ،، كل شي تغير للأصعب
فما بالكم بالوضعع السنين اللي ياية
اتوقع لي ذاك الوقت الا فيوزاتنا ضاربة
وبما ان اغلبنا يعاني من التوتر وشد الأعصاب والقولون
ليش ما نقترح حلول لتخفيف الضغوط
على الأقل عشان نضل محافظين على نفسنا
بعدين صرت اذا ابي اعصب اعد لين 10 وبعدها استغفر ربي
لين اهدأ وبعدين اكلمه أحسه تعقد من عصبيتي
توتر توتر توتر طووووول اليوم احاتي
والحل اتوقع الواحد لي توتر او عصب او حس بضغط يتعوذ من الشيطان
ويستغفر ربه
ويهونها وتهون
احنا لو دارين ان الزواج بيسوي فينا جذي
.. رفع ضغط ومحاتاة وخوف ع الزوج لا يطيرررر خخخخ
ما تزوجنا
وعقبه هم الجهال ………. الخ !!
احييييييه يا ميّووون نفضتي مابقلوبنا
ربي يحفظج
اكل بعمري حييل واحاتى ااهلي كلهم وما اخلي احد ماحاتيه
استغفر الله يارب
ودي اصير مرات انانيه مافكر الا بنفسي
بس طبع فيني ماقدر
واتمني اصير بارده انا نار وشغلي كله حار بحار
الله يعينا
واحنا للحين عيالنا صغار
تخيلوا باجر مراهقين ،، عاد انتوا عارفينهم ابهالعمر وكلنا مرينا فيه
يشلعون القلب
والريل اللي ندور خاطره الحين ،، على قولتهم البعض طبعا مو الكل حتى المستقيم يبدي يعر عقب الأربعينات
( ما أعمم )
اهلي من يشوفون وضعي يقولون لي
هدي أعصابج ماكو شي يسوى ،، ماشفتي الحياة للحين
اقولهم كل هذا وماشفت شي ؟؟؟
يضحكون يقولون باجر مشاكل عيالج اذا اكبروا ومشاكلهم ولويتهم مع ازواجهم وهذي تزوجت وهذي ما تزوجت
وهذي ريلها
وهذي حمولتها
الله يعطينا سعة الصدر