مدرسات محتاجه اجاباتكم و نصايحكم بالذات مدرسات الانجلش

وعليكم السلام ورحمة الله وبركاته

هلا والله اختى انا بحاول ارد على كل استفساراتج بحكم انى مدرسة لغة انجليزيه المرحله المتوسطه

1- تنصحوني اصير مدرسة انجليزي و اذا لا ليش ؟

شوفى اذا انتى حابه مهنة التدريس و تخصص اللغه الانجليزيه فانا اقول توكلى على الله لان التدريس مهنة ساميه .

2- جم المعاش اول ما اتوظف مع الكادر اللي ماشي للمدرسين ؟

انا اللى اعرفه ان المعلمه اللى توها متعينه ينزل لها راتب 850 تقريبا وتقدرين ترجعين للمواضيع اللى بالمنتدى بالخصوص هذا لانى انا معلمه أ وكان راتبي اول ما تعينت اقل من الحين فما اقدر افيدج بس مع الكادر اليديد اكيد المعاش راح يوصل 900 وشي تقريبا فالحمد الله راتب مغري الصراحه.

3- اللغه الانجليزيه تعتبر تخصص نادر ؟

لا مو تخصص نادر بس حق الرجال يعتبر نادر لانه عدد الكويتيات اللى يدرسون انجلش اكثر من الوافدات.

4- يفرق لو كنت خريجه اداب مو تربية ؟ و هل احتاج دورة تربيه قبلما اقدم ؟

لا ما يفرق من حيث الراتب حيث ان التربويه والغير تربويه يستلمون نفس الراتب اما بالنسبه للدوره فكل معلمه حديثة التعيين تاخذ دوره بداية العام الدراسي وتسمى دورة المعلمين الجدد كل على حسب تخصصه.

5- شنو اكثر مرحلة ترتاح فيها المدرسة الابتدائية و لا المتوسطة و لا الثانوي ؟

شوفى انا من رايي اظن انه اريح مرحله لتخصص اللغه الانجليزيه هى المرحله المتوسطه لانه المنهج حلو وسلس والبنات سهل التعامل معاهم واذا كسبتى البنات فى المرحله هذه راح يحبونج ويسمعون كلامج ويسوون لج اللى تبينه الابتدائي الصراحه ما انصحج فيه صج انه المنهج سهل لكن يبيله جهد وتعب فى كيفيه توصيل المعلومه وشد انتباه المتعلمين لانهم بسن صغيره هذا غير الشغلات اللى يعانون منها معلمات الابتدائي من الملف الانجازي والتحضير الجماعى وحصص المسانده وشغلات وااايد متعبه مو موجوده بالمرحله المتوسطه اما الثانوى فمنهج الانجليزى واااايد صعب وغير انه البنات كبار صعب التعامل معاهم واسوء شى بالثانوى فتره الامتحانات والتصحيح يعنى شايفه معاناتهم هالايام يتاخرون وياخذونهم اجبارى لتصحيح الثانويه العامه صبح ومسائي الصراااحه انا احمد ربي انى ادرس متوسط مو ثانوى يعنى الصراحه الله يعينهم .

وانتى عاد كيفج والامر يرجع لج

صيري ابلة انجليزي اذا كنتي بتنتحرين عقليا ونفسيا وصحيا وجسديا

سمعتي عن توجيه يسوي شغل واعمال واجتماعات وامتحانات السنة الجاية من الحين؟
هالتوجيه الزفت دروا انه احنا قاعدين هالايام فاضين شوي 00 راحوا نزلوا قرار انسوي شغل السنة الجاية الحين!!!

تبين تصيرين مدرسة انجليزي
الله يعينج مقدما .. التوجيه ما يرحم طلباتهم ما تخلص وكلها على راسج من أول يوم تداومين فيه الى أخر يوم ويمكن بالعطله بعد يطلبونج تسوين لهم أوراق وبعد ما تخلصين من الشغله اللي طالبينها عالطول يغيرون رايهم علبالهم فاضيين ما عندنا صفوف ندرسها ما عندنا تصحيح أشغلونا عن متابعة طالباتنا الله يشغلهم بنفسهم .. قولي آآآآآآآآآآآآآآمين

كويتيه قيرل : ان شاء نتيمع بنفس التخصص
وهم انآآ نفس الحآلة ابي مدرسة انقلش

قآآعد افكر بالمتوسطة وامسك سادس ولا سابع ..> يهآآل لي الحينهم وبصرخة يخآفون لول