مدرسة البيان ثنائية اللغة تعالي و علمينا شنو الزود فيها ؟

مدرسة البيان اول مدرسة خاصة بالكويت وأقوى مدرسة على المستوى التعليمي ..

عيال حماتي فيها عيني عليهم باردة ، الولد ثانية ابتدائي والبنت ثانيه روضه
بس يكلمونج جنه خريجين جامعه ،

موبس بالأنجليزي ، حتى ثقتهم بالنفس وشخصيتهم قوية ،
خاصة الولد تقول حماتي ماكان جذيه كان يبجي على اتفه الأسباب ويبي كل شي والحين لا جنه ريال ماشاءالله عليه ،

آنا حاطتها في بالي من زمان بس يكبر ولدي أدخله فيها باذن الله .

أتمنى اني أفدتج ..

عندي سته من عيال خالي بهالمدرسه وللامانه اهو ما دخلهم فيها الا بعد ما سوا استفتاء على كل المدارس الخاصه..وهو دكتور اكاديمي يعني فاهم بالمناهج اللي يعطون المدارس الخاصه اكثر مننا…ودخل عياله فيهم وصراحه ثقافه وثقه بالنفس ويعلمونهم عن الانسانيه والمبادي والاعمال الخيريه.. واستغرب من اللي يقولون ان اعيالهم بالمدارس الخاصه وما يعرفون يتكلمون عربي..بنات خالي يتكلمون عربي ويكتبون عربي ومع انهم وصلوا لمراحل المتوسط الا انهم يتكلمون مع كبار السن بدوي وبطلاقه.. يمكن هالشي يرجع لابوهم لانه مقابلهم اهو وامهم..واحنا يا بنات هالوقت على ابو اننا دخلنا عيالنا مدارس خاصه نكتفي بالوقت اللي يقضونه فيها ونظن ان الخاصه يعني تغني عن مجابل الاهل لعيالهم..انا لو الماده تسمح ادخل بنتي بيان بس العين بصيره والايد قصيره