مدينة فرنسية ما بين انترلاكن السويسرية وباريس

من باريس الي ستراسبورغ فرنسيه 5 ساعات واهي اقرب منطقه من هالناحيه ومن ستراسبورغ الي انترلاكن 3 ساعات وخمس دقايق

شلونكم حبايبي ما قصرتوا على الردود وبالفعل سوينا مثل ما قلتوا من انترلاكن الى يوروديزني مباشرة والعودة منها الى ميونخ – يمكن نريح شوي في مدينة العاب أو اوت لت في الطريج اذا لقينا في رحلة العودة لميونخ:eh_s(15):

اي حبيبتي ادري ان المسافة طويلة وايد واقترحت عليهم ان ا نخلي مدينة ستراسبورغ هي محطة الاستراحة بين المنطقتين في طريج العودة بس – بس ما رضوا وما يبون الشباب ستراسبورغ لأن العام رحنا لها فيقولون بسيطة ان المسافة 8 ساعات في طريج العودة الى ميونخ – شسوي لازم ارضخ واسكت وحاولنا ندور منطقة بين الاثنين ما لقينا منطقة تسوى

ليش تردون لميونخ ؟ ليش ما تردون من مطار باريس ؟

مافي الا تروحون اوروبا بارك او بادن بادن وفي اوتلت يم شتوتقارت ممكن راح يكون على طريجكم
ترى الصج الطريق طويل بس مع الطبيعه والمناظر الحلوه بتنسون الوقت

صج كلامج اختي Samurai ان الطريج مثل ما قلتي روعة ويمكن نسوي مثل ما قلتي نروح اوت لت ميتزنقين اللي في شتوتغارت مع ان العام الماضي رحنا لها –

المشكلة ان في كوكل ماب كل ما اشوف الطريج اشوفه يصعد للشمال وبعدين ينزل لشتوتغارت وبعدها ميونخ بحاول ادور طريج ثاني يمر على مدينة ثانية ويوفر لنا الوقت وهم يكون فيه اوت لت أو مدينة العاب ولكني مو لاقيه مع اني حابه ستراسبورغ وسوقها بس الشباب مو حابينها يقولون وايد هدوء — فكرت في مدينة Ulm بس شفت أن ما فيها شي وما تسوى العنوه
ساعدوني بارك الله فيكم يمكن نشوف مع بعض مدينة تسوى نستريح فيها وتكون بنص الطريج — وشكرا حبايبي لمشاركاتكم

نحاول ان شاالله نفكر بهذي الطريقة يمكن نغير حجز الفندق في اليورديزني مع انهم خذوا فلوسهم ونحاول بالايميل معهم اذا يرضون تغيير التواريخ لاننا حاجزين في انترلاكن -بس ما فكرنا في البداية قبل تسجيل التواريخ — الشكر الجزيل لمساعدتكم

شكرا حبيبتي وهذا رأي البنات بعد يقولون خلنا نستريح في الأوت لت اللي يم شتوتغارت للصلاة والأكل والتسوق