مرجع لكل وحده ودها تتعلم الطبخ "نداء الى ريميه الكويت"

هلا والله كات ومن ولايهمج
مشكوره جارونه دايما سباقه بمساعده العضوات ماقصرت كفت ووفت

اللحم المفروم انا اول شي احطه بجدر واخليه على نار خفيفه واغطيه لما شوي يغلي اشخله عشان تنزل الزفره منه بعدين احمس راس بصل مفروم بشويه زيت تقريبا 3 قفاش كبار واحط اللحم فوق البصل واقلبهم زين لما يتغير لون اللحم بعدها احط بهاراتي مثل نص قفشه صغيره كركم ونص فلفل اسود وكمون وربع قفشه صغيره دارسين وبعدين احط الملح وبعد مااحركهم احط طماط مفروم ومعجون طماط مع كوب ماي مغلي واخليهم 5 دقايق يغلون عالنار بعدها يكون اللحم جاهز وممكن تحطين الاظافات اللي تبينها من بزاليا مثلجه او جزر مبشور حسب الرغبه

_________________

المكرونه اول شي اخذي جدر كبير افضل عشان المكرونه ماتتلزق وحطي ماي تقريبا الى نص الجدر وحطي عليه قفشتين كبار ملح وزيت 3 قفاش وخليه عالنار الى ان يغلي الماي اذا غلى شيلي غطا الجدر وحطي المكرونه ولاتسكرين الغطا خليه مفتوح وقلبي المكرونه بالملاس بالبدايه عشان لايتلزقون بعدين خليه يغلي تقريبا 10 دقايق حسب نوع المكرونه الي عندج انتي اختبريها اخذي بالملاس حبه واكليها شوفيها سارت لينه تنوكل ولا بعدها

شخليها بمشخل كبير وعلى طول رديها بجدر فيه شويه زيت بقاعه الجدر بس صغري عالنار كلش وعلى طول حطي حمستج على المكرونه وقلبيها معاها وحطي حديده تحت الجدر نفس الصاجه وخلي النار كلش خفيفه وسكري الغطا وتركيها ربع ساعه تتشرب صوص اللحمه وبالعافيه

واااااااي فديتج جارونه ما قصرتي و الله

تسلمين يالغاليه

حياج الله حبوبه

تلات ملاعق دقيق

ربع كوب زيت

تلات كاسات كبيره حليب

فلفل ابيض

شويه ملح

فلفل ابيض او جوزه الطيب او اوريجانو

الطريقه

تسخني الزيت وتحطي عليه الدقيق وتقلبيه ويصير مثل العجينه معاكي تشيلينه من فوق النار

وتحطي عليه الحليب وتقلبيه بسرعه عشان ما يلكع معاج

وتحطين الملح والفلفل الابيض
ووبس

وان شاء الله اتعجبك
ممكن اضافه ربع كوب جبنه مازرولا بالاخير وممكن اضافه بيضه بعد ماتسكرين النار

مشكوره يا شيف المنتدى وانا دايما اتابع اكلاتج

مشكووووووووووووووووورة وااااااااايد حبيبتي ريمة يسلمو ايدج على هالاطباق الحلوة