مسابقه للامهات الذويقات "اجمل طقم ملابس"

السلام عليكم

شخباركم يااحلى عضوات
باحلى قسم بالمنتدى هههه لاحد يزعل قسمي واحبه

اليوم يايتكم بمسابقه خفيفة ظل واتمنى من كل قلبي الكل يشارك
ويستانس معانا

وطبعا في جوايز فوريه للفايزين

اليوم نبي الامهات الذويقات الي يحبون يشرون ويركبون بدل عيالهم
يعني الببدله مع الجوتي مع الدلاق مع الباند وهالحركات الحلوه

نبيج تركبين لنه بدله كامله من بدل عيالج وتصورينها على سبيل المثال

طقم كامل من ذوقج الحلو سواء ولادي او بناتي اي عمر تبين

وتصورينهم ودزين الصوره من غير كتابة الاسم عليها وبهالطريقه

بيمع الصور وانزل موضوع تصويت على احلى تنسيق

واحلى بدله

طبعا الموضوع حيل سهل واتوقع مايمنع الكل يشارك

شروط المسابقه

– الامانه والصدق في التصوير وعدم نقل صور من النت
-تصوير طقم واحد فقط لا غير وارساله صوره واحده على الخاص
مع عدم كتابة اي بيانات على الصوره
– اختيار نوع واحد سواء طقم بناتي او طقم ولادي
-اظافة الطقم مع اي اكسسوار تبينه باند نكلس كبوس جوتي دلاق
اي اظافه تحسين انه راح تخلي الطقم اجمل واحلى
-طبعا الي حابه تشارك بملابس اخوانها او خواتها
او بيبي منتظر حياها الله بس تخبرني انه الهدوم تخص منو بالضبط

يالله شدوا الهمه وياريت القى هالمره عدد حلو يشارك معانا

بالنسبه لاخر موعد لاستلام الصور

راح استقبل الصور من باجر 22-2- ويتسكر
في 15-3-

اظن الوقت حيل كافي وبعدها انزل موضوع التصويت وبهالفتره الي تصور
دزلي على الخاص اي وقت تبي خلال هالفتره

موفقيييييييييييين يارب

الاولاد راح يكون لهم تصويت منفصل والبنات تصويت منفصل